Fréttir

Margar spennandi skákir voru tefldar í 5.umferð Haustmótsins síðastliðið föstudagskvöld. Forystusauðir A-flokks slíðruðu sverð sín snemma, þrír eru enn taplausir í B-flokki, engin jafntefli hafa sést í 20 skákum C-flokks og fjórir eru jafnir á toppi opna flokksins. Skákunnendur biðu margir hverjir óþreyjufullir eftir toppslag Björns Þorfinnssonar og Vignis Vatnars Stefánssonar í A-flokki. Biðin reyndist mun lengri en skák þeirra ...

Haustmót Taflfélags Reykjavíkur er nú meira en hálfnað og endaspretturinn framundan. 4.umferð var tefld á miðvikudagskvöld og harðnaði toppbaráttan verulega. Aðeins einn keppandi hefur enn fullt hús, fjórir eru taplausir í B-flokki og ekkert jafntefli hefur sést í 32 skákum C-flokks. Í A-flokki hafa þrír fræknir hugarleikfimismenn tekið afgerandi forystu þegar einungis þrjár umferðir eru eftir. Alþjóðlegi meistarinn Björn Þorfinnsson ...

Laugardagsmót TR hefjast á ný laugardaginn 22.september. Sem fyrr eru tefldar 7 umferðir með umhugsunartímanum 5 mínútur á skák auk þess sem 3 sekúndur bætast við eftir hvern leik (5+3). Mótin verða haldin alla laugardaga kl.14-16 og þau verða ekki reiknuð til stiga líkt og gert var síðasta vetur. Laugardagsmótin eru opin öllum börnum á grunnskólaaldri, óháð félagsaðild og styrkleika. ...

Eftir þrjár umferðir á Haustmóti Taflfélags Reykjavíkur eru fimm skákmenn enn með fullt hús, tveir í opnum flokki, tveir í B-flokki og einn í C-flokki. Spennan er tekin að magnast, einkum í neðri flokkunum þremur, því efstu menn mætast í þeim öllum í næstu umferð. Í A-flokki eru efstir og jafnir þeir Vignir Vatnar Stefánsson og Jóhann Ingvason með 2,5 ...

Frestaðar viðureignir úr 1. og 2. umferð Haustmtótsins hafa farið fram og má nálgast skákir fyrstu tveggja umferðanna hér. Öll úrslit má finna á Chess-Results.

Daði Ómarsson hefur slegið inn skákir 1. umferðar úr Haustmótinu. Skákirnar má nálgast hér á pgn formi.

Haustmót Taflfélags Reykjavíkur, hið 85. í röðinni, hófst síðastliðinn sunnudag. Þátttakendur að þessu sinni eru 50 og er teflt í þremur lokuðum flokkum. Stigahæsti keppandinn er alþjóðlegi meistarinn Björn Þorfinnsson (2405). 1.umferð bauð upp á afar fjörugar skákir, lævísa leiki, fjörugar fórnir og sjálfan vodafone-gambítinn. Björn Þorfinnsson hóf Haustmótið af krafti. Eftir að hafa farið sér að engu óðslega í ...

Haustmót Taflfélags Reykjavíkur 2018 hefst sunnudaginn 9. september kl.13:00. Mótið, sem er hið 85. í röðinni, er eitt af aðalmótum vetrarins í reykvísku skáklífi og er jafnframt meistaramót Taflfélags Reykjavíkur. Mótið er flokkaskipt, öllum opið og verður reiknað til alþjóðlegra skákstiga. Haustmótið fer fram í félagsheimili Taflfélags Reykjavíkur að Faxafeni 12. Núverandi skákmeistari Taflfélags Reykjavíkur er Björgvin Víglundsson. Sigurvegari Haustmótsins árið 2017 ...

Sigurlaug R. Friðþjófsdóttir, skákkennari, skrifar   Skákstarf Taflfélags Reykjavíkur er að komast aftur á skrið eftir gott sumarfrí. Skákæfingarnar eru að komast í gang og skákmótaröðin langa sem nær fram á vor er nú þegar hrokkinn í gírinn. Stelpuskákæfingarnar hefjast laugardaginn 8. september, eftir viku, en upptakturinn hófst í gær þegar 12 hressar skákstelpur hittust í Keiluhöllinni og skemmtu sér ...

Haustmót Taflfélags Reykjavíkur 2018 hefst sunnudaginn 9. september kl.13:00. Mótið, sem er hið 85. í röðinni, er eitt af aðalmótum vetrarins í reykvísku skáklífi og er jafnframt meistaramót Taflfélags Reykjavíkur. Mótið er flokkaskipt, öllum opið og verður reiknað til alþjóðlegra skákstiga. Haustmótið fer fram í félagsheimili Taflfélags Reykjavíkur að Faxafeni 12. Núverandi skákmeistari Taflfélags Reykjavíkur er Björgvin Víglundsson. Sigurvegari Haustmótsins árið ...

Borgarskákmótið fer fram þriðjudaginn  21. ágúst, og hefst það kl. 16:00. Líkt og undanfarin ár fer mótið fram í Ráðhúsi Reykjavíkur og standa Taflfélag Reykjavíkur og Skákfélagið Huginn að mótinu. Tefldar verða 7 umferðir með umhugsunartímanum 4 mínútur + 2 sekúndur á leik (4+2). Mótið verður reiknað til hraðskákstiga og er öllum opið. Þátttaka er ókeypis en skráning fer fram á Skák.is (guli kassinn). Einnig ...

Skákæfingar Taflfélags Reykjavíkur eru fjölbreyttar og sérstaklega hannaðar til þess að mæta þörfum sem flestra áhugasamra skákbarna og unglinga. Á æfingum félagsins fá nemendur markvissa kennslu og persónulega leiðsögn sem nýtist þeim sem grunnur að framförum í skáklistinni. Sem fyrr er þjálfarateymi félagsins skipað mörgum af reynslumestu skákkennurum landsins. Skákkennsla á haustönn 2018 verður með hefðbundnu sniði frá því sem verið hefur ...

Stórmeistarar og aðrir minni leiddu saman hesta sína á Stórmóti Árbæjarsafns og Taflfélags Reykjavíkur í dag. Að venju komu keppendur úr ýmsum áttum og voru á ýmsum aldri. Sigurstranglegastir fyrirfram voru óneitanlega stórmeistararnir Hjörvar Steinn Grétarsson og Jóhann Hjartarson, enda fór það svo að Jóhann hafði sigur með 7 vinningum úr 8 skákum. Sigurinn var sannfærandi og leyfði Jóhann aðeins ...

Kjartan Maack var endurkjörinn formaður Taflfélags Reykjavíkur á aðalfundi félagsins sem haldinn var nýverið. Ein breyting varð á stjórn félagsins er Una Strand Viðarsdóttir tók sæti í aðalstjórn. Aðalstjórn Taflfélags Reykjavíkur starfsárið 2018-2019 skipa Kjartan Maack, Þórir Benediktsson, Magnús Kristinsson, Sigurlaug R. Friðþjófsdóttir, Ríkharður Sveinsson, Gauti Páll Jónsson og Una Strand Viðarsdóttir. Varastjórn félagsins næsta starfsár skipa Eiríkur Björnsson, Daði Ómarsson, ...

Stórmót Árbæjarsafns og Taflfélags Reykjavíkur fer fram sunnudaginn 12. ágúst. Mótið gefur einstakt tækifæri til að takast á við skákgyðjuna í sögulegu umhverfi á þessu fyrsta skákmóti starfsársins 2018-2019. Teflt verður í Árbæjarsafni og hefst taflið kl.14. Tefldar verða 8 umferðir með umhugsunartímanum 4 mínútur auk 2 sekúndna viðbótartíma eftir hvern leik (4+2). Veitt verða verðlaun fyrir þrjú efstu sætin, 15.000 kr., 10.000 ...

Aðalfundur Taflfélags Reykjavíkur verður haldinn þriðjudaginn 31.júlí. Fundurinn hefst kl.19:30 í húsnæði félagsins að Faxafeni 12. Dagskrá: Venjuleg aðalfundarstörf. Stjórnin

Það var sjálfur Íslandsmeistarinn, Guðmundur Kjartansson, sem sigraði á Meistaramóti Truxva 2018 sem fram fór á annan í hvítasunnu. Guðmundur tefldi örugglega og landaði 10 vinningum af 11 mögulegum. Alls tóku 20 keppendur þátt, þar af 4 titilhafar. Eitthvað vantaði af „stigamönnum” til að stríða Íslandsmeistaranum en gestirnir að þessu sinni voru þrír efnilegir Blikar, þrír grjótharðir Skákgengismenn og Fjölnismaðurinn ...

Meistaramót Truxva fer fram annan í hvítasunnu, þann 21. maí, en þetta er í annað sinn sem mótið er haldið. Truxvi, ungliðahreyfing TR, býður TR-ingum af öllum stærðum og gerðum, auk nokkurra velunnara ungliðahreyfingarinnar, til að taka þátt í þessu skemmtilega og öfluga hraðskákmóti. Tefldar verða 11 umferðir og notast verður við alþjóðlegu hraðskáktímamörk Fide, 3 mínútur á mann og ...

Gríðarlega jafnt og spennandi Hraðskákmót öðlinga fór fram síðastliðið miðvikudagskvöld en 27 keppendur mættu til leiks sem er nokkuð meiri þátttaka en síðustu ár. Úrslit urðu á þá leið að Gunnar F. Rúnarsson, Jóhann H. Ragnarsson og Ólafur B. Þórsson komu jafnir í mark með 7 vinninga af níu. Eftir útreikning mótsstiga hlaut Gunnar gullið, Jóhann silfrið og Ólafur bronsið. ...

Boðsmóti Taflfélags Reykjavíkur sem fyrirhugað var helgina 25.-27.maí hefur verið frestað um óákveðin tíma. Ástæðan er sú að bæði Meistaramót Skákskóla Íslands sem og Aðalfundur Skáksambands Íslands eru á sama tíma. Boðsmótið verður auglýst þegar ný dagsetning liggur fyrir.