Fréttir

Mótaáætlun Taflfélags Reykjavíkur fyrir starfsárið 2016-2017 liggur nú fyrir. Mótaáætlun TR 2016-2017 Mótadagatal TR 2016-2017

Aðalfundur Taflfélags Reykjavíkur var haldinn nýverið og ný stjórn kosinn, venju samkvæmt, fyrir starfsárið 2016-2017. Björn Jónsson sóttist ekki eftir endurkjöri í embætti formanns eftir að hafa leitt félagið undanfarin þrjú kjörtímabil. Hefur formannstíð Björns einkennst af kraftmikilli elju sem hefur endurspeglast í blómlegu starfi félagsins undanfarin misseri. Umsvif félagsins hafa aukist umtalsvert, bæði hvað varðar mótahald og kennslu. Þá hafa ...

Aðalfundur Taflfélags Reykjavíkur verður haldinn þriðjudaginn 16.ágúst 2016 kl.20:30 í húsnæði félagsins að Faxafeni 12. Dagskrá fundarins er venjuleg aðalfundarstörf. Stjórn TR

Bæði lið Taflfélags Reykjavíkur, A-liðið og unglingaliðið, hafa tryggt sér sæti í annarri umferð í Hraðskákkeppni taflfélaga. Verður það að teljast nokkuð gott, sérstaklega í ljósi þess að liðsmenn tefldu ekki eina einustu skák. Nú er góður tími til að hlaða batteríin fyrir komandi átök, en fyrstu umferð verður lokið eigi síðar en 18. ágúst. Stór hluti unglingaliðsins mun síðan ...

Skákmenn á öllum aldri fjölmenntu á Stórmót Árbæjarsafns og Taflfélags Reykjavíkur í blíðskaparveðri í dag. Þetta skemmtilega mót hefur löngum sannað sig sem nokkurs konar upphaf skákvertíðarinnar. Menn mættu misæfðir til leiks, einkum voru ungu mennirnir sprækir, sumir þeirra nýkomnir frá Ólympíumótinu í Slóvakíu eða öðrum skákmótum á meginlandinu. Röðuðu þeir sér og í efstu sætin, með þeirri undantekningu að ...

Stórmót Árbæjarsafns og Taflfélags Reykjavíkur fer fram sunnudaginn 7.ágúst. Þetta skemmtilega mót í sögulegu umhverfi er fyrir löngu orðinn fastur viðburður í skákdagatalinu. Teflt verður í Árbæjarsafni og hefst taflið kl. 14. Tefldar verða 7 umferðir með umhugsunartímanum 7 mín. á  skák. Veitt verða verðlaun fyrir þrjú efstu sætin í Stórmótinu, 15.000 kr., 10.000 kr. og 5.000 kr. Þátttökugjald í ...

Fyrstu tveimur vikum sumarnámskeiða Taflfélags Reykjavíkur er nú lokið og er óhætt að fullyrða að mikil kátína hafi ríkt á meðal barnanna í skáksal félagsins. Börnin hafa glímt við fjölbreyttar skákþrautir, hlotið persónulega leiðsögn skákkennara og í bland við hefðbundna skák hafa þau teflt tvískákir og tekið þátt í fjöltefli, svo eitthvað sé nefnt. Það er sérstakt ánægjuefni að kynjahlutfall ...

Sumarnámskeið Taflfélags Reykjavíkur hófust í þessari viku. Mikil gleði hefur ríkt á meðal barnanna enda er fátt skemmtilegra en að tefla í góðra vina hópi. Það er jafnframt mikið gleðiefni að kynjahlutföll þessa vikuna voru jöfn. Börnin tefla mikið hvert við annað en á milli skáka eru stuttar kennslustundir. Börnin fá jafnframt einstaklingsmiðaða leiðsögn eftir styrkleika hvers og eins. Hið ...

Það var líflegt um að litast við Grandagarð í dag er fólk naut veðurblíðunnar á Hátíð hafsins. Taflfélag Reykjavíkur tók þátt í herlegheitunum og bauð gestum varðskipsins Óðins að grípa í tafl. Fjölmargir þekktust boðið; karlar og konur, piltar og stúlkur, ömmur og afar, feður og mæður, leikskólabörn, kennarar, iðnaðarmenn, skáld, unglingar, fræðimenn, forstjórar, ferðamenn, og þannig mætti lengi telja. ...

Taflfélag Reykjavíkur hyggst leggja sitt á vogarskálarnar til að gera Sjómannadaginn sem skemmtilegastan. Í samstarfi við Sjóminjasafnið verður efnt til skákgleði í Messanum um borð í varðskipinu Óðni þar sem gestir geta sest niður og gripið í tafl, líkt og tíðkast á öllum betri kaffistofum bæjarins. Skákáhugamenn eru hvattir til þess að taka þátt í gleðinni um borð í Óðni ...

Róbert Lagerman sigraði á Hraðskákmóti öðlinga sem fram fór í gærkveld en hann hlaut 5,5 vinning í skákunum sjö. Guðlaug Þorsteinsdóttir kom jöfn Róberti í mark en varð að láta sér annað sætið nægja eftir stigaútreikning og þriðja með 5 vinninga var Lenka Ptacnikova. Góð stemning var í Skákhöll TR þar sem keppendur gæddu sér á ljúffengum veitingum á milli ...

Bikarsyrpa Taflfélags Reykjavíkur heldur áfram þegar sjötta og síðasta mót syrpunnar fer fram helgina 27.-29. maí og hefst fyrsta umferð föstudaginn 27. maí kl. 17.30. Mótum syrpunnar hefur verið fjölgað og telur hún alls sex kappskákmót sem eru ætluð börnum á grunnskólaaldri (fædd 2000 og síðar) sem ekki hafa náð 1600 skákstigum. Þar með gefst þeim tækifæri til að næla sér í alþjóðleg ...

Hraðskákmót öðlinga fer fram miðvikudaginn 18. maí í félagsheimili T.R. að Faxafeni 12. Mótið hefst kl. 19.30 og er opið fyrir alla 40 ára (á árinu) og eldri. Tefldar verða 7 umferðir með umhugsunartímanum 4 mín + 2 sek á leik.  Í lok mótsins fer fram verðlaunaafhending fyrir Hraðskákmótið sem og Skákmót öðlinga sem lauk síðastliðið miðvikudagskvöld með sigri Stefáns Arnalds. Þátttökugjald er kr. 500 ...

Hraðskákmót öðlinga fer fram miðvikudaginn 18. maí í félagsheimili T.R. að Faxafeni 12. Mótið hefst kl. 19.30 og er opið fyrir alla 40 ára (á árinu) og eldri. Tefldar verða 7 umferðir með umhugsunartímanum 4 mín + 2 sek á leik.  Í lok mótsins fer fram verðlaunaafhending fyrir Hraðskákmótið sem og Skákmót öðlinga sem lauk síðastliðið miðvikudagskvöld með sigri Stefáns Arnalds. Þátttökugjald er kr. 500 ...

Bolvíkingurinn knái, Stefán Arnalds (2007), sigraði á æsispennandi Skákmóti öðlinga sem lauk síðastliðið miðvikudagskvöld. Í lokaumferðinni gerði Stefán jafntefli við hinn margreynda norðlending, Þór Valtýsson (1946), í rafmagnaðri skák þar sem sá fyrrnefndi hafði vænlega stöðu í lokin. Tími beggja var þó farinn að telja í sekúndum og varð því skiptur hlutur niðurstaðan enda höfðu önnur úrslit gert það að ...

Þegar Cæsar sigraði son Míþrádesar sendi hann frekar stuttorða lýsingu til Rómar – veni, vidi, vici eða kom sá og sigraði. Það má segja að TR-ingar hafi gert það sama á Landsmótinu í skólaskák sem fór fram í Kópavogi um helgina. Í eldri flokki voru fjórir TR-ingar í efstu fjórum sætunum með 5.5 vinninga og verður háð sérstök úrslitakeppni milli ...

Skákirnar úr Skákþingi Reykjavíkur 2016 eru nú loks birtar. Einhverjar skákir kann þó að vanta. Það voru félagarnir Daníel Ernir Njarðarson, Alexander Oliver Mai og Aron Þór Mai sem slógu skákirnar inn af miklum myndarskap. Skákir SÞR 2016

Það var sannarlega hart barist í sjöttu og næstsíðustu umferð Skákmóts öðlinga sem fram fór í gærkveld þar sem fjórum orrustum af ellefu lauk með skiptum hlut. Á efsta borði lagði hinsvegar Stefán Arnalds (2007) Ólaf Gísla Jónsson (1904) með svörtu eftir að hafa verið mjög tæpur á tíma drjúgan hluta skákar sem telst reyndar ekki til tíðinda þegar Stefán á ...

Ólafur Gísli Jónsson (1904) og Þorvarður Fannar Ólafsson (2195) eru efstir og jafnir með 4 vinninga hvor þegar fimm umferðum er lokið á Skákmóti öðlinga. Ólafur sigraði Þorvarð í fimmtu umferð og virðist í miklu stuði því í fjórðu umferð lagði hann stigahæsta keppanda mótsins, Sigurð Daða Sigfússon (2299). Sigurður Daði, Siguringi Sigurjónsson (1971) og Árni H. Kristjánsson (1894) koma ...

Þegar fjórum umferðum er lokið á Skákmóti öðlinga er Þorvarður F. Ólafsson (2195) einn efstur með fullt hús vinninga. Þorvarður sigraði Magnús Kristinsson (1822) í fjórðu umferð en báðir höfðu þeir lagt alla sína andstæðinga fyrir umferðina. Magnús er í 2.-4. sæti með 3 vinninga ásamt Stefáni Arnalds (2007) og Ólafi Gísla Jónssyni (1904). Nokkuð var um óvænt úrslit og ...