Fréttir

Guðmundur Kjartansson (2356) gerði í dag jafntefli við skoska stórmeistarann, Jonathan Rowson (2591), í sjöundu umferð Skoska meistaramótsins en Rowson er stigahæsti keppandi mótsins.  Guðmundur stýrði svörtu mönnunum í tiltölulega rólegri skák þar sem tefldur var enskur leikur og fljótt urðu uppskipti á léttu mönnunum.  Þegar í endataflið var komið, þar sem hvor hafði báða hrókana og drottningu, virtist Guðmundur ...

Guðmundur Kjartansson (2356) gerði í dag jafntefli við skoska stórmeistarann Keti Arakhamia-Grant (2555) í sjöttu umferð skoska meistaramótsins sem fram fer í Edinborg.  Þegar út í endataflið var komið þar sem hvor var með drottningu og hrók ásamt þrem peðum leit út fyrir að Guðmundur hefði einhverja vinningsmöguleika.  Svo fór því ekki því Skotinn náði fram þráskák og jafntefli varð ...

Guðmundur Kjartansson (2356) fer hamförum á Skoska meistaramótinu sem fram fer í Edinborg en í fjórðu umferð sigraði hann indverska stórmeistarann Magesh Chandran Panchanath (2493) í mjög skemmtilegri skák.  Guðmundur stýrði hvítu mönnunum og tefldi hvasst gegn Indverjanum, fórnaði manni í 19. leik og náði stórsókn í kjölfarið sem varð til þess að Indverjinn gafst upp eftir 34 leiki.  Guðmundur ...

Guðmundur Kjartansson (2356) sýndi styrk sinn í dag þegar hann sigraði indverska stórmeistarann S. Arun Prasad (2556) í þriðju umferð Skoska meistaramótsins.  Guðmundur, sem stýrði svörtu mönnunum, virtist vera með skákina í höndum sér alveg frá byrjun og náði góðri sókn gegn Indverjanum sem laut í gras eftir 41 leik.  Aron Ingi Óskarsson (1876) tapaði fyrir skoska skákmanninum Ian McDonald ...

Guðmundur Kjartansson (2356) sigraði skoska skákmanninn Graeme Kafka (2077) í 2. umferð Skoska meistaramótsins sem fram fór í dag.  Aron Ingi Óskarsson (1876) tapaði hinsvegar fyrir Englendingnum Dominic Foord (2069). Guðmundur er með fullt hús, tvo vinninga, en Aron Ingi er ekki kominn á blað.  Ekki liggur fyrir pörun þriðju umferðar sem fer fram á morgun. Heimasíða mótsins Skákirnar í ...

Enn heldur Guðmundur Kjartansson (2356) áfram þátttöku sinni á erlendum skákmótum og tekur nú þátt í þriðja og síðasta móti sínu í þessum túr en hann hóf leik í dag á Skoska meistaramótinu.  Ásamt honum tekur annar TR-ingur þátt, Aron Ingi Óskarsson (1876). Í fyrstu umferð sem fram fór í dag mætti Guðmundur þýska skákmanninum Fan Zhang (2058) og bar ...

Guðmundur Kjartansson hefur tekið saman pistil um þátttöku sína á nýafstöðnu Big Slick skákmóti í London. Big Slick Nú er annað mótið í þriggja móta skáktúr mínum lokið og skoska meistaramótið framundan þar sem ég tek þátt ásamt Aroni Inga Óskarssyni.  Big Slick mótið fór fram í London þar sem ég er staddur nú og er þetta í fyrsta skipti ...

Guðmundur Kjartansson (2388) tapaði fyrir enska skákmanninum, Peter S. Poobalasingam (2240), í níundu og síðustu umferð Big Slick mótsins sem fram fór í London.  Guðmundur hlaut 2,5 vinning og hafnaði í níunda sæti.  Árangur hans samsvarar 2222 skákstigum og tapar hann um 30 stigum. Sigurvegarar mótsins með 6,5 vinning voru enski stórmeistarinn Keith C. Arkell (2517) og rússneski stórmeistarinn Alexander ...

Fimmta jafnteflið í röð hjá Guðmundi Kjartanssyni (2388) á Big Slick mótinu er staðreynd eftir að hann og portúgalski stórmeistarinn, Luis Galego (2454), skildu með skiptan hlut í áttundu umferð sem fram fór í dag. Guðmundur hefur 2 vinninga og er í níunda sæti fyrir lokaumferðina sem fram fer á morgun en þá mætir hann stigalægsta keppanda flokksins, enska skákmanninum, ...

Guðmundur Kjartansson (2388) gerði sitt fjórða jafntefli í röð á Big Slick mótinu í London, nú í sjöundu umferð gegn enska alþjóðlega meistaranum, Simon Ansell (2394).  Guðmundur er í 9. sæti með 2 vinninga þegar tvær umferðir eru eftir.  Á morgun mætir hann portúgalska stórmeistaranum, Luis Galego (2454). Guðmundur teflir í lokuðum og nokkuð sterkum stórmeistaraflokki þar sem stigahæsti keppandinn ...

Guðmundur Kjartansson (2388) er aðeins að rétta sinn kút á Big Slick mótinu sem fram fer í samnefndum klúbbi í London.  Eftir jafntefli í fjórðu umferð gerði hann jafntefli við rússneska skákmanninn, Alexei Slavin (2308), í fimmtu umferð og sömuleiðis jafntefli við enska stórmeistarann, Daniel W. Gormally í þeirri sjöttu. Í dag mætir Guðmundur enska alþjóðlega meistaranum, Simon Ansell (2394).

Guðmundur Kjartansson (2388) gerði jafntefli við enska fide meistarann, Robert Eames (2312), í fjórðu umferð Big Slick skákmótsins sem fram fer í London.  Guðmundur hefur hálfan vinning að loknum fjórum umferðum.  Nú er bara að vona að fyrsti punktur Guðmundar verði til þess að hann komist á skrið í kjölfarið en á morgun mætir hann rússneska skákmanninum, Alexei Slavin (2308), ...

Guðmundur Kjartansson (2388) tapaði fyrir enska stórmeistaranum, Keith Arkell (2517), í þriðju umferð Big Slick mótsins sem fram fór í dag.  Guðmundur, sem enn er ekki kominn á blað, mætir á morgun enska fide meistaranum, Robert Eames (2312). Guðmundur teflir í lokuðum og nokkuð sterkum stórmeistaraflokki þar sem stigahæsti keppandinn er með 2517 skákstig.  Tíu keppendur eru í flokknum og ...

Guðmundur Kjartansson (2388) heldur áfram markmiði sínu á að rjúfa 2400 stiga múrinn til að öðlast alþjóðlegan meistaratitil en þriðja og síðasta áfanganum náði hann á First Saturday mótinu sem lauk fyrir skömmu. Nú tekur Guðmundur þátt í móti sem enski stórmeistarinn, Simon Williams, stendur fyrir í London.  Mótið dregur nafn sitt af pókerklúbbi þar sem skákirnar fara fram og ...

Guðmundur Kjartansson, verðandi alþjóðlegur meistari, hefur sent frá sér pistil til birtingar á heimasíðu Taflfélags Reykjavíkur: Skáksumarið 2009 Í upphafi sumars ákvað ég að skipuleggja þriggja móta ferð, með það að að marki að ná síðasta alþjóðlega áfanganum, komast yfir 2400 stiga „múrinn“ og þannig jafnframt tryggja mér alþjóðameistaratitil. Fyrsta mótið, First Saturday í Búdapest þar sem ég tók þátt ...

Guðmundur Kjartansson (2388) gerði jafntefli í níundu umferð og sigraði í tíundu umferð First Saturday mótsins sem lauk í dag.  Það þýðir að hann endar með 7,5 vinning af 10 og nær þar með síðasta áfanga sínum að alþjóðlega meistaratitlinum.  Nú þarf Guðmundur einungis að ná 2400 stiga markinu til að verða útnefndur alþjóðlegur meistari. Guðmundur varð efstur í sex ...

Guðmundur Kjartansson (2388) lét ekki tap í sjöttu umferð First Saturday mótsins slá sig út af laginu og sigraði í næstu tveim skákum á eftir.  Guðmundur hefur því 6 vinninga þegar tveim umferðum er ólokið og þarf 1,5 vinning í síðustu tveim skákunum til að landa þriðja og síðasta áfanga sínum að alþjóðlegum meistaratitli. Heimasíða mótsins

Núna er hægt að skoða skákir á heimasíðunni án þess að þurfa að hlaða skákunum niður.  Þess í stað birtast þær í glugga þegar smellt er á viðkomandi skákmót.  Skákirnar er að finna á stikunni hér efst á síðunni undir “skákir”. Að venju var það gengið hjá A8 sem gerði þetta mögulegt og fær þakkir fyrir.

Guðmundur Kjartansson (2388) beið lægri hlut í sjöttu umferð First Saturday mótsins sem fram fer í Búdapest, Ungverjalandi.  Guðmundur hefur 4 vinninga eftir 6 umferðir og þarf 3,5 vinning í síðustu fjórum umferðunum til að landa sínum síðasta áfanga að alþjóðlegum meistaratitli. Sjöunda umferð fer fram í dag og hefst kl. 16.00 að staðartíma. Heimasíða mótsins

Guðmundur Kjartansson (2388) hefur farið vel af stað á First Saturday mótinu sem fram fer í Búdapest, Ungverjalandi, dagana 6. – 16. júní.  Guðmundur hefur hlotið fjóra vinninga þegar fimm umferðum er lokið en hann teflir í lokuðum sex manna flokki þar sem hann er stigahæstur þátttakenda.  Meðalstig flokksins eru 2281 stig og þarf 7,5 vinning úr 10 skákum til ...