Fréttir

Nú er langt liðið á 6. og næstsíðustu umferð hér í Mysliborz og búið er að draga til tíðinda í nokkrum skákanna.   Daði tapaði fyrir stórmeistaranum Leonid Voloshin eftir að hafa fengið á sig Guergenidze bræðinginn (Pirc og Caro-Kann blandað saman).  Ég hef nú sjálfur beitt þessu einhvern tíman, en (eðlilega) aldrei jafn vel og SM Voloshin, sem lokaði ...

      Ekki tókst mér að klára umfjöllun mína um 5. umferð samdægurs, frekar en aðra daga, því eins og áður er slökkt á internetinu, hér um bil um leið og síðasta skák klárast. Einu sinni sem oftar var það einn okkar manna sem var síðastur til að klára, í þessu tilfelli Matthías. Matta tókst að vinna að lokum ...

Slóðin er: http://www.mysliborz.caissa.com.pl/2007/online/

Taflfélag Reykjavíkur og Skákdeild Fjölnis hafa hafið samstarf um reglulegar skákæfingar, sem hefjast munu í byrjun september næstkomandi. Teflt verður í Skákhöllinni í Faxafeni. Félögin standa sameiginlega að æfingunum. Æfingar verða vikulega og hefjast kl. 19:30. Nánari fréttir verða sagðar, þegar nær dregur.

Mótið er nú langt komið og taflmennskan ágæt. Hugsanlega hefðu þó vinningarnir átt að vera fleiri, miðað við taflmennskuna. Í 6. umferð á morgun verður Daði í beinni útsendingu á fjórða borði gegn stórmeistaranum Voloshin. Minna skal á skemmtilega pistla G. Péturs Matthíassonar frá mótinu og daglegu lífi strákana á bloggsíðu hans.   Pörun 6. umferðar í Mysloborz er eftirfarandi ...

Úrslit 5. umferðar á alþjóðlega skákmótinu í Mysliborz voru bæði góð og slæm fyrir Íslendingana, eins og jafnan gengur og gerist. Matthías Pétursson vann sína skák, Vilhjálmur og Daði gerðu jafntefli, en Einar Sigurðsson og Aron Ellert Þorsteinsson töpuðu. Nánari úrslit á efstu borðunum voru eftirfarandi:   1 (3) ZEZULKIN, Jurij ½:½ RYMSKYY, Aleksander (8) 2 (2) VOLOSHIN, Leonid ½:½ ...

Á meðan netið datt út hér á skákstað í Mysliborz dróg til tíðinda í skákum drengjanna.   Skák Daða og Svetlönu, sem var hárbeitt allan tímann  – enda hófst hún á hárbeittu afbrigði í Kóngsindverskri vörn – endaði í flóknu endatafli sem að lokum leystist upp í jafntefli.   Vilhjálmur gerði sömuleiðis jafntefli, en þar var teflt Benkö-bragð og fór ...

  Mér tókst ekki að skýra frá neinum úrslitum héðan úr Mysliborz í gær, en nettengingin var eitthvað hálf-slöpp. Auk þess fór mikill tími í að fara yfir skákir drengjanna.   Allar skákirnar voru athyglisverðar – að einhverju leyti alla veganna. Daði vann Einar eftir að Einar misreiknaði sig snemma í miðtaflinu og lék af sér peði. Eftir það var ...

      Í 5. umferð Póllandsmótsins teflir Daði Ómarsson við hina fögru Svetlönu, sem vann Matthías í 2. umferð, eftir að Matthías hafði tvívegis valið að halda tafli áfram, í stað þess að semja jafntefli. Ljóst er, að sú skák verður sýnd beint á internetinu.   Hinir strákarnir fylgja skammt á eftir.   1 (3) ZEZULKIN, Jurij –:– RYMSKYY, Aleksander ...

  Gengi okkar manna var misjafnt og ljóst að frú Lukka var ekki á okkar bandi. Daði vann Einar í innbyrðis viðureign og hefur 3 vinninga, Aron Ellert gerði jafntefli, en Matthías og Vilhjálmur töpuðu. Matthías lenti í óstöðvandi mátsókn eftir lunkna mannsfórn, en Vilhjálmur lék niður jafnteflisstöðu og síðan beint í mát. En nánari úrslit fylgja hér og má ...

Héðinn Steingrímsson hefur nú, að beiðni vefstjóra Taflfélagssíðunnar, ritað stutta grein um mótið, aðstæður þar og síðan úrslitaskákina rosalegu, þar sem barist var um sigurlaunin.

Á meðan ég sit og bíð eftir að skákunum ljúki, datt mér í hug að nefna einn menningarlegan mun sem er á mótinu hér í Mysliborz og mótunum heima.   Ég þykist nefnilega alltaf sjá betur og betur hvað það er mikill klassi yfir mótunum heima.  Það þarf oft ekki að leita lengur en til hinna Norðurlandanna til að lenda ...

Fjórða umferð hér í Mysliborz er nýhafin og hægt er að fylgjast með þremur af okkar piltum í beinni útsendingu á heimasíðu mótsins http://www.mysliborz.caissa.com.pl/2007/online/   Þar eru Matthías Pétursson með svart á móti Aleksander Smirnov (sem vann Villa í 2. umferð) og Vilhjálmur Pálmason er með svart á móti Grzegorz Stala.   Aron Ellert Þorsteinsson er síðan með hvítt á ...

Þriðja umferð hér í Mysliborz var eins og handrit skrifað af okkur Íslendingunum, en allir strákarnir unnu sínar skákir.  Síðastir kláruðu Daði og Matti rétt í þessu.  Landskeppnin Ísland – Pólland fór því 5-0.   Næsta umferð verður tefld kl.15:30 í dag og því mikilvægt að ná góðri hvíld á milli.   Torfi Leósson

Aron Ellert var að klára snyrtilegan sigur sinn í 3. umferð hér í Mysliborz.  Allir piltarnir eru því komnir með 2 vinninga, fyrir utan Daða og Matta sem enn sitja að tafli.   Daði ætti að vinna – hann er þremur peðum yfir í riddaraendatafli þar sem þó eru smá jafntelishætta.   Matti er síðan búinn að rétta aðeins úr ...

Þar sem nú er liðin 1/3 af dvöl okkar hér í Póllandi er e.t.v. tímabært að koma með fyrstu athugasemdir mínar um mótið í Mysliborz.   Mótið var töluvert sterkara á pappírunum þegar við skráðum okkur fyrst til leiks og munar þar mestu um eina 5-6 pólska IM og FM með 2300+, en þeir afboðuðu sig allir þegar Hraðskákmót Póllands ...

Þriðja umferð er í hámæli og Einar og Vilhjálmur eru strax búnir að vinna frekar fyrirhafnarlitla sigra.   Allt er í járnum á hinum borðunum.   Torfi Leósson

G. Pétur Matthíasson, faðir Matthíasar Péturssonar í Laugalækjarskóla, er með strákunum í för, þarna austur í Mysliborz. Hann hefur bloggað einstaklega skemmtilega um ferðina og aðstæður, eins og vönum fjölmiðlamanni sæmir.   En slóð hans er: http://gpetur.blogspot.com/   Skora á alla að fylgjast vel með síðu G. Péturs, sem er okkur að góðu kunnur úr sjónvarpsfréttunum.

Strákarnir hafa allir einn vinning af tveimur og tefla hlið við hlið, á fimm borðum samliggjandi. Ágætis æfing fyrir Búlgaríumótið! En nú verða tvær umferðir í dag.  Gærdagurinn skilaði 2 sigrum og 3 töpum. Matthías tapaði, eftir að hafa amk tvíhafnað jafntefli. Þessi baráttuhugur á eftir að skila sér. Villi lék fínni stöðu niður, en þetta kemur allt saman. Og ...

Nú er 3. umferð rétt nýhafin í Mysliborz.  Enginn okkar manna er í beinni að þessu sinni, en þeir fá allir Pólverja.  Dómarinn var rétt í þessu að árétta að gsm-hringing þýddi tap, en eitthvað hefur verið um hringingar fyrr í mótinu.   Mér tókst ekki að klára umfjöllun um 2. umferð í gærkvöldi.  Um leið og Vilhjálmur kláraði sína ...