Taflfélag Reykjavíkur Elsta og virkasta skákfélag landsins

Guðmundur Kjartansson vann Benedikt Jónasson í lengstu skák umferðarinnar í gærkvöldi og tryggði sér þar með nokkuð öruggan sigur í mótinu, vinningi fyrir ofan næsta mann. Eftir rólega byrjun vann Guðmundur peð en Benedikt brá þá á það ráð að fórna tveimur til viðbótar fyrir virka menn í endatafli. Guðmundur þurfti að vanda sig við úrvinnsluna og náði að sigla ...

Guðmundur Kjartansson hafði sigur í viðureign alþjóðameistaranna í gærkvöldi. Björn Þorfinnsson lék snemma biskup til f4 en sú byrjun er kennd við sjálfa Lundúnaborg. Hún þótti óvenjuleg og sakleysisleg fyrir nokkrum árum en það er nú allt breytt. Bæði er hún orðin reglulegur hluti af vopnabúri sterkustu skákmanna og svo var ekkert sakleysislegt við byrjanataflmennsku Björns; hann blés strax til ...

Hraðskákmót Reykjavíkur verður haldið í félagsheimili Taflfélags Reykjavíkur að Faxafeni 12 sunnudaginn 5.febrúar og hefst taflið kl. 13. Tefldar verða 11 umferðir með tímamörkunum 4+2 (4 mínútur auk 2 sekúndna viðbótartíma eftir hvern leik). Mótið verður reiknað til hraðskákstiga. Þátttökugjald er 1.000kr. Frítt er í mótið fyrir félagsmenn TR sem eru 17 ára eða yngri. Skráning fer fram á skákstað ...

  Guðmundur Kjartansson vann peð snemma tafls gegn Degi Ragnarssyni en gaf drottningu fyrir hrók og mann og færi með valdað frípeð. Dagur þurfti síðan að gefa heilan hrók fyrir frípeðið og þar með var Dagur að kveldi kominn. Hinn alþjóðameistarinn við toppinn, blaðamaðurinn og fyrrum forsetinn Björn Þorfinnsson vann Örn Leó Jóhannsson og deilir nú efsta sætinu með Guðmundi. ...

Sviptivindar voru á toppnum í 6. umferð Skáþingsins í gærkvöldi. Dagur Ragnarsson vann peð gegn Gauta Páli Jónssyni á fyrsta borði og sigldi vinningi örugglega í höfn. Félagi Dags á toppnum fyrir umferðina, Lenka Ptacnikova, tapaði hins vegar fyrir Birni Þorfinnssyni sem var mættur ferskur til leiks eftir frí í síðustu umferðunum. Jóhann Ingvason vann tvö peð eftir flækjur gegn ...

Víða mátti sjá snaggaraleg tilþrif í fimmtu umferð Skákþings Reykjavíkur sem fram fór í gær. Bragðarefurinn Kristján Örn Elíasson fórnaði manni gegn Ingvari Agli Vignissyni fyrir „eitthvað af peðum“ eins og hann orðaði það sjálfur. Í kjölfarið virtist Ingvar ná vænlegri stöðu en ákvað á ögurstundu að gefa manninn til baka og niðurstaðan varð jafntefli. Á næsta borði sigldi Jon ...

Dagur Ragnarsson vann nokkuð örugglega á efsta borði gegn Erni Leó Jóhannssyni í 4. umferð á miðvikudag en Lenka mátti hafa verulega fyrir sigri gegn Júlíusi Friðjónssyni á öðru borði. Eftir þrautseiga vörn í drottningarendatafli, missti Júlíus líklega af jafnteflisleið í 58. leik og mátti játa sig sigraðan eftir 74. leik. Dagur og Lenka eru þannig efst eftir 4. umferð ...

Reykjavíkurmót grunnskólasveita verður haldið í húsnæði Taflfélags Reykjavíkur að Faxafeni 12 mánudaginn 6.febrúar og hefst mótið kl.17. Þetta fjölmenna skákmót, sem er árviss viðburður í reykvískri skólaskák, er samvinnuverkefni Skóla- og frístundasviðs Reykjavíkurborgar og Taflfélags Reykjavíkur. Tefldar verða sjö umferðir eftir svissnesku kerfi. Umhugsunartími er 8 mínútur fyrir hverja skák og bætast 2 sekúndur við umhugsunartímann eftir hvern leik (8+2). Þátttökurétt hafa ...

Skákþing Reykjavíkur, það 86. sem haldið er, hófst sunnudaginn 8. janúar sl. og eru þátttakendur að venju skemmtileg blanda af meisturum, verðandi meisturum, efnilegum skákmönnum, venjulegum skákmönnum og óvenjulegum. Tæplega 60 keppendur ætla að berjast um titilinn Skákmeistari Reykjavíkur þetta árið, þar af einn stórmeistari kvenna, tveir alþjóðlegir meistarar og þrír Fide-meistarar. Helmingur keppenda er með 1850 stig eða meira. ...

Skákæfingar Taflfélags Reykjavíkur hefjast á ný laugardaginn 7.janúar og standa til laugardagsins 13.maí þegar önninni lýkur með hinni árlegu Vorhátíð. Æfingarnar eru fjölbreyttar sem fyrr og hannaðar til þess að mæta þörfum sem flestra áhugasamra skákbarna. Á æfingum félagsins munu börnin fá markvissa kennslu og persónulega leiðsögn sem mun nýtast þeim sem grunnur að framförum í skáklistinni. Æfingagjöld fyrir vormisseri 2017 haldast ...

Jólahraðskákmót Taflfélags Reykjavíkur verður haldið fimmtudaginn 29. desember og hefst taflið klukkan 19:30. Tefldar verða 9 umferðir og verður umhugsunartíminn 4 mínútur á skák auk þess sem 2 sekúndur bætast við eftir hvern leik (4+2). Teflt verður í húsnæði TR að Faxafeni 12. Mótið verður reiknað til alþjóðlegra hraðskákstiga. Tekið verður við skráningum í mótið á skákstað á mótsdegi kl.19:00-19:25. Þátttökugjald er 1.000kr. Frítt er fyrir ...

Laugardaginn 10. desember var haldin hin eina og sanna Jólaskákæfing TR. Jólaskákæfingin ár hvert er uppskeruhátíð haustannarinnar og krakkarnir bregða þá á leik með fjölskyldunni í skemmtilegri liðakeppni. Jólaskákæfingin í dag var sameiginleg fyrir alla skákhópana sem hafa verið í gangi í haust, byrjendahópinn, stelpuhópinn, laugardagsæfingahópinn og afrekshópa A og B. Fjölskylduskákmótið, sem er tveggja manna liðakeppni, var fyrst á dagskrá. Krökkunum hafði verið boðið upp á ...

Hin árlega Jólaskákæfing verður haldin laugardaginn 10.desember kl.14-16. Æfingin er um leið uppskeruhátíð haustannarinnar því veitt verða verðlaun fyrir ástundun á haustönn. Allir krakkar úr öllum skákhópum TR, sem æfa á laugardögum og sunnudögum, eru velkomnir á þessa sameiginlegu Jólaskákæfingu. Æfingin er einskonar fjölskylduskákmót þar sem tveir mynda eitt lið og mega foreldrar, ömmur og afar og frændur og frænkur ...

Í dag lauk þriðju Bikarsyrpu Taflfélags Reykjavíkur og var sem fyrr vel mætt í félagsheimilið að Faxafeni 12. Skákmeistarar framtíðarinnar glímdu af miklu kappi og varð mótið fyrir vikið viðburðaríkt. Eftirminnileg tilþrif sáust í öllum umferðum; fléttur og fórnir, djúpir pósar, hörku svíðingar, tímahrak, hrikalegir afleikir, ólöglegir leikir og síðast en ekki síst spenntir foreldrar á kaffistofunni sem sötruðu bragðvont kaffi -kurteisislega- á meðan ...

Núna um helgina, 2.-4. desember, var í annað sinn haldið Bikarmót stúlkna samhliða Bikarsyrpu TR. Fyrirkomulagið var með sama sniði og í Bikarsyrpunni undanfarin tvö ár, þ.e. 5 umferðir tefldar með 30 mín. umhugsunartíma og 30 sek. viðbótartíma fyrir hvern leik. Skákmótið var sett á laggirnar til þess að hvetja stúlkur til aukinnar þátttöku í skákmótum. Stúlkurnar gátu því valið ...

Tvær skákæfingar falla niður á morgun, laugardaginn 3.desember, vegna Bikarsyrpunnar sem fram fer þessa helgi; stúlknaæfingin kl.12:30 og almenna æfingin kl.14. Byrjendaæfingar og afreksæfingar eru á hefðbundnum tímum alla helgina.

Um nýliðna helgi leiddu Taflfélag Reykjavíkur og Skóla- og frístundasvið Reykjavíkurborgar saman riddara sína og blésu til hins árlega Jólaskákmóts grunnskóla borgarinnar. Hátt í 150 börn settust að tafli í 33 skáksveitum og sköpuðu börnin einstakt andrúmsloft í félagsheimili TR sem einkenndist af skemmtilegri blöndu leikgleði og keppnishörku. Yngri flokkur reið á vaðið á sunnudagsmorgni klukkan 10:30 er Suður-riðill 1.-7.bekkjar var ...

Jólaskákmót Taflfélags Reykjavíkur og Skóla- og frístundasviðs Reykjavíkur verður haldið í húsnæði Taflfélags Reykjavíkur að Faxafeni 12 dagana 27.-28.nóvember. Sem fyrr verður mótinu skipt í tvo hluta; yngri flokkur (1.-7.bekkur) og eldri flokkur (8.-10.bekkur). Tefldar verða 6 umferðir eftir svissnesku kerfi. Umhugsunartími er 10 mín fyrir hverja skák. Þátttökurétt hafa börn úr grunnskólum Reykjavíkur í 1.-10.bekk. Mikilvægt er að liðsstjóri ...

Nær allar skákæfingar Taflfélags Reykjavíkur eru á sínum hefðbundnu tímum á morgun, laugardaginn 19.nóvember. Vegna Íslandsmóts unglingasveita sem fyrirhugað er þennan sama dag mun þó Afreksæfing A falla niður. Nánari upplýsingar um æfingar og tímasetningar má nálgast hér.

Barna- og unglingameistaramót sem og Stúlknameistaramót Taflfélags Reykjavíkur fór fram sunnudaginn 13. nóvember, í félagsheimili T.R. Faxafeni 12. Keppt var í tveimur flokkum, opnum flokki og stúlknaflokki og voru 7 umferðir tefldar með 15 mínútna umhugsunartíma á skák. Skákmótið var opið fyrir keppendur 15 ára og yngri og voru þátttakendurnir 41, 27 í opnum flokki og 14 í stúlknaflokki. Veitt voru ...