Fréttir

Hin vinsælu fimmtudagsmót T.R. hefjast á ný í kvöld kl. 19.30.  Tefldar verða 7 umferðir með 7 mínútna umhugsunartíma.  Mótin fara fram í félagsheimili T.R., skákhöllinni að Faxafeni 12 og opnar húsið kl. 19.10.  Glæsilegur verðlaunapeningur er í boði fyrir sigurvegara hvers móts ásamt því sem aukaverðlaun verða í boði af og til í vetur. Mótin eru öllum opin og ...

Líkt og síðastliðinn vetur verða barnaæfingum Taflfélags Reykjavíkur gerð góð skil á komandi vetri.  Æfingarnar fara fram í húsnæði félagsins að Faxafeni 12 á laugardögum kl. 14-16 og eru opnar öllum 12 ára og yngri.  Aðgangur er ókeypis. Hér að neðan fylgir pistill fyrstu æfingu vetrarins en einnig verður hægt að nálgast alla pistlana með því að smella á viðkomandi ...

Óttar Felix Hauksson hefur ákveðið að taka sér hlé frá stjórnarstörfum fyrir Taflfélag Reykjavíkur að sinni.  Björn Jónsson kemur inn í stjórn í stað Óttars og Eiríkur Björnsson tekur að sér varaformennsku.  Óttar mun eftir sem áður vera meðlimur í félaginu líkt og síðustu áratugi. Óttar sat fyrst í stjórn T.R. á fyrri hluta níunda áratugar síðustu aldar og síðan ...

Alþjóðlegi meistarinn, Arnar E. Gunnarsson (2443) úr T.R. sýndi það enn og aftur að hann er einfaldlega langbestur í spilinu þegar kemur að hraðskák enhann varð á dögunum Íslandsmeistari í greininni.  Mótið fór fram í Bolungarvík að loknum landsliðsflokki. Arnar fékk 10,5 vinning af 13 en í öðru sæti með 10 vinninga varð stórmeistarinn, Jón L. Árnason og Andri Áss ...

Landsliðsflokki Skákþings Íslands lauk nú á dögunum í Bolungarvík með öruggum sigri stórmeistarans, Henrik Danielsen (2473), sem hlaut 8,5 vinning af 11.  Jafnir í 2.-3. sæti með 7,5 vinning urðu alþjóðlegu meistararnir, Bragi Þorfinnsson (2360) og Jón Viktor Gunnarsson (2462). Alþjóðlegi meistarinn, Guðmundur Kjartansson (2413) úr T.R. hlaut 4,5 vinning og hafnaði í 8.-9. sæti.  Guðmundur átti ekki gott mót ...

Í ljósi veglegs styrks tölvuverslunarinnar, Tölvuteks, Borgartúni 31, hafa verðlaun fyrir sigurvegara a-flokks í komandi Haustmóti Taflfélags Reykjavíkur verið hækkuð úr kr. 50.000 í kr. 100.000.  Önnur verðlaun í mótinu haldast óbreytt. Mótið hefst sunnudaginn 20. september kl. 14 og nú þegar eru á þriðja tug keppenda skráðir. Heimasíða Tölvuteks Heimasíða Haustmótsins

Daði Ómarsson (2091) hafnaði í 62.-73. sæti á Evrópumóti ungmenna sem fór fram í Fermo á Ítalíu 30. ágúst – 10. september.  Daði keppti í flokki drengja 18 ára og yngri og hlaut 4 vinninga úr 9 skákum.  Árangur Daða samsvarar 2150 skákstigum og græðir hann 9 skákstig. Sex önnur íslensk ungmenni tóku þátt í mótinu ásamt Daða og var ...

Skákæfingar (skákkennsla og skákmót) fyrir stelpur og stráka 12 ára og yngri hefjast hjá Taflfélagi Reykjavíkur laugardaginn 12. september kl. 14 í húsnæði félagsins að Faxafeni 12. Laugardagsæfingarnar verða í allan vetur frá kl. 14-16. Þátttaka er ókeypis. Myndin er tekin á lokaæfingu T.R. veturinn 2008-2009 og sýnir verðlaunahafa vetrarins.

Kristján Örn Elíasson (1982) hlaut 5,5 vinning og hafnaði í 9.-12. sæti í nýafstöðnum áskorendaflokki Skákþings Íslands og varð efstur meðlima Taflfélags Reykjavíkur sem tóku þátt. Tíu TR-ingar tóku þátt og var árangur þeirra eftirfarandi: Kristján Örn Elíasson (1982), 5,5 v, 9.-12. sæti, rp 1909, +5 stig Eiríkur K. Björnsson (2034), 5 v, 13.-21. sæti, rp 1955, -9 stig Þorsteinn ...

Alþjóðlegi meistarinn, Guðmundur Kjartansson (2413), sigraði Fide meistarann, Davíð Ólafsson  (2327), í áttundu umferð landsliðsflokks Skákþings Íslands sem fram fór í dag.  Guðmundur hafði svart og fékk nokkuð góða stöðu út úr byrjuninni.  Í 27. leik fórnaði Davíð riddara fyrir kóngssókn sem aldrei náði flugi og gafst Davíð upp eftir 45 leiki. Guðmundur er í 7.-8. sæti með 3,5 vinning ...

Stórmeistarinn, Hannes Hlífar Stefánsson, gekk á dögunum til liðs við Taflfélagið Helli úr Taflfélagi Reykjavíkur.  Hannes er stigahæsti skákmaður Íslands og ljóst er að það er mikill missir af honum úr T.R. Stjórn T.R. þakkar Hannesi fyrir veru sína í félaginu og óskar honum góðs gengis á nýjum vetvangi og hlakkar jafnframt til endurkomu hans í félagið síðar meir.

Alþjóðlegi meistarinn, Guðmundur Kjartansson (2413), sigraði Fide meistarann, Ingvar Þór Jóhannesson (2323), í sjöundu umferð landsliðsflokks Skákþings Íslands sem fram fór í dag.  Guðmundur hafði hvítt í fjörugri skák þar sem slavnesk vörn var tefld.  Fljótlega í miðtaflinu opnaðist staðan upp á gátt og Ingvar blés til sóknar á kóngsvæng en fór of geyst og Guðmundur náði að ráðast á ...

Alþjóðlegi meistarinn, Guðmundur Kjartansson (2413), gerði jafntefli við nafna sinn Gíslason (2348), í skák sem lauk ekki fyrr en eftir 134 leiki. Staða Guðmundar K. var orðin nokkuð erfið í miðtaflinu og fór svo að hann fórnaði skiptamun til að koma í veg fyrir að Guðmundur G., sem hafði hvít, gæti bætt stöðu sína enn frekar.  Við það lagaðist staða ...

Hjörvar Steinn Grétarsson (2320) sigraði af miklu öryggi í áskorendaflokki Skákþings Íslands sem lauk í dag.  Hjörvar hlaut 8 vinninga í níu umferðum og leyfði aðeins tvö jafntefli en næstu menn voru 1,5 vinningi á eftir honum.  Í síðustu umferðinni sigraði hann norðlendinginn, Stefán Bergsson (2070), í snarpri skák þar sem Stefán tefldi hið hvassa Sozin afbrigði gegn Sikileyjarvörn Hjörvars.  ...

Alþjóðlegi meistarinn, Guðmundur Kjartansson (2413), tapaði fyrir stórmeistaranum, Þresti Þórhallssyni (2433), í fimmtu umferð landsliðsflokks Skákþings Íslands sem fram fór í dag.  Guðmundi hefur ekki gengið vel og er sem stendur í 10.-12. sæti með 1 vinning. Stórmeistarinn, Henrik Danielsen er efstur með 4 vinninga. Sjötta umferð fer fram á morgun og hefst kl. 13 en þá mætir Guðmundur Bolvíkingnum, ...

Kristján Örn Elíasson (1982) stefnir hraðbyri að 2000 stiga múrnum en hann sigraði barnalækninn geðþekka, Ólaf Gísla Jónsson (1899), í áttundu og næstsíðustu umferð áskorendaflokks Skákþings Íslands sem fram fór í kvöld.  Af tíu þátttakendum frá Taflfélagi Reykjavíkur er hann efstur með 5,5 vinning í 5.-9. sæti. Það kemur ekki á óvart að Hjörvar Steinn Grétarsson (2320) er efstur fyrir ...

Sigurður Páll Steindórsson (2216) hefur snúið til baka í Taflfélag Reykjavíkur en hann hefur að undanförnu alið manninn í skákdeild KR.  Stjórn T.R. fagnar endurkomu Sigurðar Páls, sem var lengi búinn að vera TR-ingur áður en hann flutti sig um set.  Endurkoma hans mun styrkja félagið mikið í komandi baráttu um Íslandsmeistaratitil Skákfélaga. Einnig er hinn aldni höfðingi og þúsundþjalasmiður, ...

Alþjóðlegi meistarinn, Guðmundur Kjartansson (2413), gerði jafntefli við Bolvíkinginn, Magnús P. Örnólfsson (2214), í fjórðu umferð landsliðsflokks Skákþings Íslands sem fram fór í gær en teflt er í Bolungarvík. Guðmundur stýrði svörtu mönnunum og var ítalski leikurinn tefldur.  Guðmundur átti nokkuð í vök að verjast mest alla skákina og í raun var hann stálheppinn að tapa ekki því í endataflinu ...

Alþjóðlegi meistarinn, Sævar Bjarnason (2171), Hjörvar Steinn Grétarsson (2320) og Jorge Fonseca (2009) eru efstir og jafnir með 5 vinninga að lokinni sjöttu umferð áskorendaflokks Skákþings Íslands sem lauk rétt í þessu.  Hjörvar sigraði TR-inginn, Eirík K. Björnsson (2034), Sævar lagði hinn mjög svo hárfagra TR-ing, Kristján Örn Elíasson (1982) og Jorge vann Akurnesinginn, Magnús Magnússon (2055). Af öðrum úrslitum ...

Þriðju umferð landsliðsflokks Skákþings Íslands var rétt í þessu að ljúka.  Alþjóðlegi meistarinn, Guðmundur Kjartansson (2356), gerði jafntefli við Fide meistarann, Sigurbjörn Björnsson (2287), en í annari umferð tapaði Guðmundur fyrir alþjóðlega meistaranum, Jóni Viktori Gunnarssyni (2462), eftir að hafa leikið af sér heilum hrók. Guðmundur er í 10.-11. sæti með 0,5 vinning en stórmeistarinn, Henrik Danielsen (2473), er efstur ...