Fréttir

Að loknum fimm umferðum í Skákþingi Reykjavíkur er alþjóðlegi meistarinn Jón Viktor Gunnarsson efstur með 4,5 vinning ásamt Fide meisturunum Einari Hjalta Jenssyni og Davíð Kjartanssyni.  Einar Hjalti og Jón Viktor gerðu stutt jafntefli sín í milli en Davíð sigraði Þorvarð Fannar Ólafsson nokkuð örugglega. Óvæntustu úrslit mótsins hingað til litu dagsins ljós í fimmtu umferðinni þegar Ólafur Gísli Jónsson ...

Kjartan Maack tryggir skjótt aðgengi að skákum Skákþings Reykjavíkur og hefur þegar afgreitt skákir fimmtu umferðar sem fór fram í gær.  Sjötta umferð fer fram á miðvikudagskvöld og hefst kl. 19.30. Úrslit, staða og pörun Skákir: 1 2 3 4 5 6 7 8 9 Myndir Mótstöflur SÞR Skákmeistarar Reykjavíkur

Skákmenn þekkja vel þá ljúfu tilfinningu sem fylgir því að koma auga á laglega fléttu til að klekkja á andstæðingnum.  Flétturnar geta verið af ýmsu tagi; allt frá örfáum leikjum upp í lengri og flóknari leikjaraðir sem ýmist gefa unnið tafl eða verulega stöðulega yfirburði.  Sterkir skákmenn vita hvenær á að leita að fléttum (taktík), þeir vita hvenær staðan er ...

Alþjóðlegi meistarinn Jón Viktor Gunnarsson, Fide meistarinn Einar Hjalti Jensson og Þorvarður Fannar Ólafsson eru efstir og jafnir með fullt hús vinninga að loknum fjórum umferðum í Skákþingi Reykjavíkur.  Í fjórðu umferð, sem fór fram á miðvikudagskvöld, sigraði Jón Viktor stórmeistara kvenna Lenku Ptacnikovu, Þorvarður hafði betur gegn Fide meistaranum Sigurbirni Björnssyni og Einar Hjalti vann Atla Jóhann Leósson.  Fide ...

Fjölmennt Skákþing Reykjavíkur er í fullum gangi og hefst fjórða umferð á miðvikudagskvöld kl. 19.30. Sterkustu keppendurnir fara nú að mætast innbyrðis og á efsta borði verður spennandi viðureign þar sem alþjóðlegi meistarinn Jón Viktor Gunnarsson stýrir hvítu mönnunum gegn stórmeistara kvenna, Lenku Ptacnikovu. Á næsta borði hefur Þorvarður F. Ólafsson hvítt gegn Fide meistaranum Sigurbirni Björnssyni en báðir hafa þeir átt ...

Alþjóðlegi meistarinn Jón Viktor Gunnarsson, Fide meistararnir Sigurbjörn Björnsson og Einar Hjalti Jensson, stórmeistari kvenna Lenka Ptacnikova og Þorvarður F. Ólafsson hafa öll þrjá vinninga að loknum þremur umferðum í Skákþingi Reykjavíkur sem fram fór í dag.  Fimm keppendur fylgja í kjölfarið með 2,5 vinning.   Jón Viktor sigraði Oliver Aron Jóhannesson, Sigurbjörn lagði Mikael Jóhann Karlsson, Einar Hjalti hafði ...

Vignir Vatnar Stefánsson varð um helgina Íslandsmeistari barna tíu ára og yngri annað árið í röð.  Vignir hlaut 8,5 vinning í níu skákum og varð jafn Óskari Víkingi Davíðssyni að vinningum en þeir gerðu jafntefli í innbyrðis viðureign.  Vignir hafði svo betur í spennandi tveggja skáka einvígi og tryggði sér þar með Íslandsmeistaratitilinn á sínu síðasta ári í þessu móti ...

Úrslit í annari umferð Skákþings Reykjavíkur, sem fram fór í gærkvöldi, voru flest eftir bókinni ef frá eru skilin jafntefli Júlíusar Friðjónssonar og Jóns Úlfljótssonar annarsvegar og Harðar Arons Haukssonar og Stefáns Bergssonar hinsvegar.  Önnur úrslit voru flest á þann veg að sá stigahærri vann þann stigalægri.   Eftir tvær umferðir hafa fjórtán keppendur fullt hús vinninga en í þriðju ...

Nú þegar styttist í aðra umferð Skákþings Reykjavíkur er ekki úr vegi að reyna að spá örlítið fyrir um framvindu mála.  Metþátttaka er í mótinu og ljóst að mörg óvænt úrslit eiga eftir að líta dagsins ljós.  Hver vinnur?  Hver kemur mest á óvart?  Hver hækkar mest á stigum?  Hver vinnur óvæntasta sigurinn?  Mikill fjöldi ungra og upprennandi skákmanna gefur ...

Kjartan Maack hefur slegið inn skákirnar úr fyrstu umferð Skákþings Reykjavíkur sem fram fór á sunnudaginn.  Önnur umferð fer fram á miðvikudagskvöld og hefst kl. 19.30. Úrslit, staða og pörun Skákir: 1 Myndir Mótstöflur SÞR Skákmeistarar Reykjavíkur

75 keppendur hófu í dag leik á 83. Skákþingi Reykjavíkur og er það mesta þátttaka í a.m.k. fimmtán ár og líklega þarf að fara 5-10 ár lengra aftur í tímann til að finna Skákþing með sambærilegum fjölda keppenda.  Mótið er vel skipað og styrkleikabreiddin er góð þar sem er að finna allt frá ungum byrjendum sem eru að stíga sín ...

Nýtt ár er gengið í garð, Skákþing Reykjavíkur er á næsta leyti, og starf Taflfélags Reykjavíkur blómstrar sem aldrei fyrr á sínu 114. starfsári.  Hér fylgja nokkrar myndir frá starfinu í vetur. Skákvertíðin hófst venju samkvæmt með Stórmóti Árbæjarsafnsog Taflfélags Reykjavíkur.Torfi Leósson sést hér rogast með tröllvaxna drottningu.  Í mótinusjálfu sigruðu Róbert Lagerman og Hallgerður H. Þorsteinsdóttir.Haustmótið var vel skipað ...

Skákþing Reykjavíkur hefst sunnudaginn 5. janúar kl. 14. Tefldar verða níu umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram tvisvar í viku, á miðvikudögum kl. 19.30 og á sunnudögum kl. 14. Teflt er í húsnæði Taflfélags Reykjavíkur að Faxafeni 12.Sú nýbreytni verður að boðið er upp á tvær ...

Jóhann Örn Ingvason stóð uppi sem sigurvegari í árlegu Jólahraðskákmóti T.R. sem fór fram í gær.  Jóhann hlaut 11,5 vinning í skákunum fjórtán en tefldar voru 2x sjö umferðir.  Annar í mark með 11 vinninga var hinn ungi og efnilegi Vignir Vatnar Stefánsson og jöfn í 3.-4. sæti með 10,5 vinning voru Elsa María Kristínardóttir og Örn Leó Jóhannsson en ...

Jólahraðskákmót Taflfélags Reykjavíkur verður haldið föstudaginn 27. desember kl. 19.30. Tefldar verða 2×7 umferðir með 5 mínútna umhugsunartíma. Mótið fer fram í húsnæði T.R. að Faxafeni 12. Þátttökugjald er kr. 500 en frítt fyrir 15 ára og yngri. Verðlaun fyrir þrjú efstu sætin. Sigurvegari síðasta árs var Oliver Aron Jóhannesson.

Kjartan Maack hefur sett saman góðan pistil um þátttöku félagsins í fyrri hluta Íslandsmótsins sem fór fram fyrr í vetur. Fyrri hluti Íslandsmóts skákfélaga var haldinn helgina 10-13.október í Rimaskóla. Taflfélag Reykjavíkur sendi 5 sveitir til keppni sem að þessu sinni voru talsvert veikari en árið áður, ef undan eru skyldar unglingasveitir félagsins. Munaði þar mikið um fjarveru stórmeistaranna Friðriks ...

Kjartan Maack hefur slegið inn skákirnar úr Vetrarmóti öðlinga en þær má nálgast hér að neðan. Skákirnar Chess-Results Myndir

Síðastliðinn fimmtudag fór fram veglegt Jólamót Skákskóla Íslands og Skákakademíu Kópavogs þar sem TR-ingar létu sig ekki vanta.  Árangur þeirra var sérlega góður en þeir Vignir Vatnar Stefánsson, Björn Hólm Birkisson og Bárður Örn Birkisson voru meðal sex efstu að móti loknu.  Vignir Vatnar varð annar með 7,5 vinning af níu, Björn Hólm varð þriðji með 6,5 vinning og tvíburabróðir ...

Gríðarlega spennandi Vetrarmóti öðlinga lauk síðastliðið miðvikudagskvöld þegar sjöunda og lokaumferðin fór fram í húsnæði Taflfélags Reykajvíkur að Faxafeni 12.  Áður en úrslita er getið er rétt að minnast á þær glæsilegu veigar sem Birna Halldórsdóttir bauð upp á og það endurgjaldslaust.  Birna er fyrir löngu orðin rómuð fyrir velgjörðir sínar í þágu Taflfélagsins og verður henni seint fullþakkað fyrir ...

Laugardaginn 7. desember var haldin síðasta skákæfingin á árinu 2013, sem jafnframt var hin eina og sanna Jólaskákæfing TR. Jólaskákæfingin hvert ár er alltaf skemmtilegur viðburður fyrir krakkana í TR, því þá er bæði hátíðleiki og leikur í gangi. Þetta er uppskeruhátíð haustannarinnar og krakkarnir fá viðurkenningu fyrir ástundun og árangur. Síðan er brugðið á leik í fjölskylduskákmóti, tónlistarflutningur á ...