Desember í Taflfélaginu – Hvað er eiginlega framundan?

Í desember eru jól. Þess vegna er peðið á myndinni með jólasveinahúfu, en fréttin fjallar einmitt um skák í jólamánuðinum. Peð er taflmaður.

Í jólaösinni er gott að slappa örlítið af og skella sér á eitt skákmót eða tvö. Jafnvel tíu.

Og hvar eru þessi skákmót? Jú auðvitað hjá okkur í Taflfélagi Reykjavíkur, Faxafeni 12.

Vindum okkur í dagskrána

• 3. desember: Þriðjudagsmót kl. 19:30. Tefldar 5 atskákir. Opið öllum.
• 5. desember: Fimmtudagsmót kl. 19:30. Tefldar 10 hraðskákir. Opið öllum.
• 8. desember: Jólaskákmót grunnskóla Reykjavíkur. Sveitakeppni fyrir grunnskólana í Reykjavík!
• 9.-10. desember: Atskákmót Reykjavíkur. Tefldar 9 atskákir á tveimur kvöldum. Opið öllum. Þriðjudagsmót fellur niður vegna mótsins.
• 12. desember: Fimmtudagsmót kl. 19:30. Tefldar 10 hraðskákir. Opið öllum.
• 17. desember: Þriðjudagsmót kl. 19:30. Tefldar 5 atskákir. Opið öllum.
• 19. desember: Fimmtudagsmót kl. 19:30. Tefldar 10 hraðskákir. Opið öllum.
• 26. desember: Fimmtudagsmót kl. 19:30. Tefldar 10 hraðskákir. Opið öllum.
• 28. desember: Jólahraðskákmót TR. 

Þriðjudagsmót falla niður á aðfangadag, 24. desember, og gamlársdag, 31. desember.

Ekki þarf að skrá sig fyrirfram á þriðjudags- og fimmtudagsmótin, eða Jólahraðskákina, en skráningarform fyrir Atskákmót Reykjavíkur fer í loftið á næstu dögum!

Jólahraðskákmótið verður kynnt betur á næstu dögum og verður með sérstöku sniði í ár.