Taflfélag Reykjavíkur Elsta og virkasta skákfélag landsins
Unglingameistaramót Reykjavíkur sem og Stúlknameistaramót Reykjavíkur fór fram í húsnæði Taflfélags Reykjavíkur og Skákskóla Íslands í dag, sunnudaginn 21. febrúar. Mótið var opið fyrir börn á grunnskólaaldri.
Þrenn verðlaun voru veitt fyrir þrjú efstu sætin í báðum flokkum svo og aldursflokkaverðlaun í hvorum flokki fyrir sig, fyrir hvert ár frá 2005 til 2015. Þau sem eru búsett í Reykjavík eða eru félagar í reykvískum taflfélögum tefldu um titilinn Unglingameistari Reykjavíkur 2021 og Stúlknameistari Reykjavíkur 2021. Tefldar voru 7 umferðir með umhugsunartímanum 10+5. Mótið var reiknað til atskákstiga. Þátttakendur voru fleiri en í fyrra, eða alls 55 og var mótið vel skipað.
Í Unglingameistaramótinu, sem var opinn flokkur, tefldu 37 krakkar, ein stúlka og 36 drengir. Mörg börn sem tóku þátt eru vön taflmennsku í skákmótum og æfa skák að staðaldri, en eins og alltaf, voru líka nokkur að stíga sín fyrstu skref í skákmóti sem þessu. Það var sviptingasamt á toppnum og ekki ljóst fyrr en í mótslok, hvernig sætin myndu skipast. Svo fór að Gunnar Erik Guðmundsson varð einn efstur með 6,5 vinning. Í 2. sæti varð Kristján Dagur Jónsson með 5,5 vinning. Hann varð um leið efsti Reykvíkingurinn í mótinu og hlaut því titilinn Unglingameistari Reykjavíkur 2021. Bronsið fór síðan til Birkis Hallmundarsonar, sem einnig fékk 5,5, vinning, en pilturinn sá er aðeins 8 ára. Næstu fimm sæti voru skipuð öflugum skákkrökkum sem fengu öll 5 vinninga. Þetta voru þau Mikael Bjarki Hreiðarson, Adam Omarsson, Batel Goitom Haile (Unglingameistarinn frá því í fyrra), Markús Orri Jóhannsson og Benedikt Þórisson.
Í Stúlknameistaramótinu tóku 18 stelpur þátt og er það 100% aukning frá því í fyrra! Það var TR-stúlkan Iðunn Helgadóttir sem landaði sigrinum í mótinu með fullu húsi, 7 vinningum. Í 2. sæti var Katrín María Jónssdóttir með 6 vinninga og í 3. sæti kom Sigrún Tara Sigurðardóttir með 5 vinninga. Það er því Iðunn Helgadóttir sem er Stúlknameistari Reykjavíkur 2021 (eins og í fyrra).
Skákmótið fór fram undir formerkjum sóttvarna, sem við erum nú farin að kannast heldur betur við. Spritt á borðum um allan sal og engir áhorfendur leyfðir. Vegna þessa var einnig veitingasalan í TR lokuð og það vantaði tilfinnanlega vöffluilminn hennar Birnu okkar!
Opni flokkurinn fór fram í TR salnum og Stúlknaflokkurinn í sal Skákskóla Íslands. Keppendur sýndu góða framkomu og skákhegðun. Flestir komu með nesti með sér, sem gott var að hafa við hendina á milli umferða.
Skákmótið gekk samkvæmt tímaáætlun og því lauk um kl. 16.45 og stúlknaflokkurinn var búinn enn fyrr.
Sjá heildarúrslit og aldursflokkaverðlaun hér að neðan.
Taflfélag Reykjavíkur þakkar öllum þátttakendum fyrir skemmtilegt skákmót í dag!
Heildarúrslit í Unglingameistaramótinu:
1 Gunnar Erik Guðmundsson 6,5
2 Kristján Dagur Jónsson 5,5
3 Birkir Hallmundarson 5,5
4 Mikael Bjarki Heiðarsson 5,0
5 Adam Omarsson 5,0
6 Batel Goitom Haile 5,0
7 Markús Orri Jóhannson 5,0
8 Benedikt Þórisson 5,0
9 Arnar Freyr Orrason 4,5
10 Einar Dagur Brynjarsson 4,0
11 Árni Ólafsson 4,0
12 Theodór Eiríksson 4,0
13 Örvar Holm Brynjarsson 4,0
14 Ísak Ernir Guðmundsson 4,0
15 Bjartur Þórisson 4,0
16 Sigurður Páll Guðnýjarson 4,0
17 Jon Louie Thoroddsen 4,0
18 Joshua Kusse 4,0
19 Sigurður Erik Hafstein 4,0
20 Lemuel Goitom Haile 3,0
21 Jóel Freyr Ingason 3,0
22 Orion Katrínarson Panunto 3,0
23 Nökkvi Holm Brynjarsson 3,0
24 Alexander Einar Pétursson 3,0
25 Jakub Sokol 3,0
26 Matthías Kári Jóhannsson 3,0
27 Óskar Hrafn Ingimundarson 3,0
28 Brynjar Örn Hallsson 3,0
29 Egill Kári Guðjónsson 2,5
30 Julian Ari Tryggvanson 2,5
31 Julian Rikarður Elmarsson 2,0
32 Þorvaldur Kristjánsson 2,0
33 Fálki Viðar Gunnarsson 2,0
34 Ísar Katrínarson Panunto 2,0
35 Mikal Kári Jóhannsson 2,0
36 Stefán Ingi Garðarsson 2,0
37 Kristupas Linuson 1,0
Aldursflokkaverðlaun í Unglingameistaramótinu:
f.2005 – Kristján Dagur Jónsson
f.2006 – Benedikt Þórisson
f.2007 – Gunnar Erik Guðmundsson
f.2008 – Ísak Ernir Guðmundsson
f.2009 – Mikael Bjarki Heiðarsson
f.2010 – Theódór Eiríksson
f.2011 – Arnar Freyr Orrason
f.2012 – Örvar Hólm Brynjarsson
f.2013 – Birkir Hallmundarson
Heildarúrslit í Stúlknameistaramótinu:
1 Iðunn Helgadóttir 7,0
2 Katrín María Jónsdóttir 6,0
3 Sigrún Tara Sigurðardóttir 5,0
4 Elín Lára Jónsdóttir 4,0
5 Emilía Embla Berglindardóttir 4,0
6 Elma Karen Ingimundardóttir 4,0
7 Tara Líf Ingadóttir 4,0
8 Bergþóra Helga Gunnarsdóttir 4,0
9 Lotta Bilton Steinþórsdóttir 3,0
10 Guðbjörg Eva Jóhannesdóttir 3,0
11 Elsa Margrét Aðalgeirsdóttir 3,0
12 Unnur Karen Ólafsdóttirr 3,0
13 Elísa Ísberg Atladóttir 3,0
14 Wihbet Goitom Haile 3,0
15 Ísabella Sif Elmarsdóttir 3,0
16 Margrét Stefanía Hirst 1,5
17 Lisa Solis Vésteinsdóttir 1,5
18 Unnur Harðardóttir 1,0
Aldursflokkaverðlaun í Stúlknameistaramótinu:
- 2006: Lotta Bilton Steinþórsdóttir
- 2007: Iðunn Helgadóttir
- 2008: Katrín María Jónsdóttir
- 2010: Elín Lára Jónsdóttir
- 2011: Wihbet Goitom Haile
- 2012: Sigrún Tara Sigurðardóttir
- 2013 Elsa Margrét Aðalgeirsdóttir
Mótshaldari var Taflfélag Reykjavíkur. Skákstjórar á Unglingameistaramótinu voru Torfi Leósson og Sigurlaug Regína Friðþjófsdóttir. Skákstjórar á Stúlknameistaramótinu voru Jon Olav Fivelstad og Una Strand Viðarsdóttir.
Pistill og myndir: Sigurlaug Regína Friðþjófsdóttir.
Myndir: Una Strand Viðarsdóttir.