Verðlaunahafar á Haustmóti TR – Benedikt skákmeistari Taflfélags Reykjavíkur

Haustmóti TR lauk á dögunum en keppt var í lokuðum A- og B- flokkum auk opins flokks.

Í A-flokki má segja að tvíburarnir hafi komið, séð og sigrað! Bárður Örn varð hlutskarpastur með 7,5 vinning og átti mjög þétt og gott mót og tvíburabróðir hans Björn Hólm tók annað sætið.

Gott mót hjá tvíburunum

Í þriðja sæti varð svo gamla kempan Sigurbjörn Björnsson sem vann sig í þriðja sætið eftir erfiða byrjun.

Skákmeistari Taflfélags Reykjavíkur er svo iðullega hæsti TR-ingur á Haustmótinu og að þessu sinni var það hinn ungi og efnilegi Benedikt Þórisson sem hreppti titilinn.

• A-flokkur á Chess-results

Í B-flokki var Josef Omarson í banastuði og vann yfirburðasigur!

Josef hækkar verulega á stigum fyrir þennan árangur. Þessi árangur er ekki tilviljun enda Josef lagt mikla stund á skáklistina í sumar og undanfarin misseri og að uppskera árangur erfiðisins!

• B-flokkur á Chess-results

Óttar Bergmann Sigfússon tók svo opna flokkinn. Birkir Hallmundarson náði í vænan stigagróða!

• Opinn flokkur á chess-results