Taflfélag Reykjavíkur Elsta og virkasta skákfélag landsins
Alþjóðlegi meistarinn, Guðmundur Kjartansson (2413), sigraði Fide meistarann, Ingvar Þór Jóhannesson (2323), í sjöundu umferð landsliðsflokks Skákþings Íslands sem fram fór í dag. Guðmundur hafði hvítt í fjörugri skák þar sem slavnesk vörn var tefld. Fljótlega í miðtaflinu opnaðist staðan upp á gátt og Ingvar blés til sóknar á kóngsvæng en fór of geyst og Guðmundur náði að ráðast á veika kóngsstöðu hans sem leiddi til uppgjafar Ingvars eftir 31 leik.
Guðmundur er í 9. sæti með 2,5 vinning en efstur með 6 vinninga er stórmeistarinn, Henrik Danielsen (2473).
Áttunda umferð fer fram á morgun og hefst kl. 16 en þá mætir Guðmundur Fide meistaranum, Davíð Ólafssyni (2327).
- Heimasíða SÍ
- Chess-Results
- Skákirnar í beinni