Emil Finnsson Fenger sigurvegari Sumarsyrpu TR I Katrín Ósk Tómasdóttir efst stúlkna

Helgina 12-14 júní fór fram fyrsta Sumarsyrpa TR sumarið 2026. Þrátt fyrir sólríka daga og mikinn hita voru keppendur tilbúnir að eyða helginni inni fastir við skákboriðið í Faxafeninu.

Sumarið er oft sá tími þegar dregið er úr taflmennsku en þessa helgina var samt sem áður góð mæting þar sem 39 keppendur voru skráðir til leiks.

Þrátt fyrir að allir gluggar væru opnir og loftkælingin í gangi var gífurlegur hiti inni í keppnisalnum stærsta hluta mótsins sem reyndi mikið á keppendur og minnti á erlendar keppnisaðstæður.

Eftir fyrstu umferðina á lokdeginum voru það Jóel Helmer og Emil Fenger sem leiddu báðir mótið með 4½

6.umferð: Jóel Helmer og Emil Fenger

Í sjöttu umferð mættust Jóel Helmer og Emil. Eftir að hafa fengið öflugt tak á stöðunni fór Jóel aðeins of beinskeitt að opna stöðuna á miðborðinu og Emil Fenger kláraði skákina nokkuð sannfærandi í endataflinu.

Í lokaumferðinni var Emil Fenger einn efstur og mætti Dagur Sverrisson og Emil Fenger. Dagur tefldi vel og byggði upp góða stöðu en Emil sigraði skákina eftir smá flækjur í miðtaflinu.
Emil endaði einn efstur með 6½ vinning og fór ósigraður í gegnum mótið. Í öðru sæti kom Jóel Helmer með 5½ vinning eftir sigur sinn á Óðin Darra.

7.umferð: Katrín Ósk Tómasdóttir og Ringaudas Skucas

Síðasta skákin í lokaumferðinni var skákin Ringaudas og Katrín Ósk sem endaði í jafntefli í endataflinu. Ringaudas , Katrín Ósk og Eiður Jökulsson enduðu öll með 5 vinninga en Ringaudas reyndist efstur á oddastigum.

Mikil samkeppni var um stúlknaverðlauin og þær Miroslava og Likhithasri sem áttu báðar gott mót enduðu með 4½ vinning en Miroslava reyndist örlítið hærri á oddastigum.