Taflfélag Reykjavíkur Elsta og virkasta skákfélag landsins
Alþjóðlegi meistarinn Guðmundur Kjartansson heldur för sinni áfram á Spáni þar sem hann heldur sig enn við Katalóníu-hérað því dagana 11.-18. ágúst tók hann þátt í opnu alþjóðlegu móti í Figueres sem er einna helst þekkt fyrir að vera fæðingarborg Salvador Dali.
Tefldar voru níu umferðir í þremur flokkum og tefldi Guðmundur í sterkasta flokknum þar sem hann var númer sjö í stigaröðinni af 42 keppendum, þar af þremur stórmeisturum og níu alþjóðlegum meisturum. Alls voru keppendur rúmlega eitthundrað talsins. Guðmundur hlaut 5,5 vinning úr skákunum níu og hafnaði í 7.-13. (11.) sæti. Árangur Guðmundar samsvarar 2404 Elo stigum og lækkar hann um eitt stig.
- Chess-Results