Unglingasveit TR komin áfram í 2.umferð

Unglingalið Taflfélags Reykjavíkur vann öruggan sigur á UMSB í 1.umferð hraðskákkeppni taflfélaganna. Teflt var í skákhöllinni í Faxafeni 12. Lokatölur urðu 43,5-28,5 eftir að ungmennin höfðu leitt 22-14 í hálfleik.

Gauti Páll Jónsson stóð sig best TR-inga og skammt á eftir komu þeir Vignir Vatnar og Bárður Örn. Sá síðastnefndi fór hamförum lengst af en missti aðeins flugið í lokin. Hjá Borgnesingum urðu þeir Einar Valdimarsson og Bjarni Sæmundsson hlutskarpastir.

Skákstjórn var í öruggum höndum Þorvarðs Fannars Ólafssonar.

TR-unglingar:

Gauti Páll Jónsson                          10,5 af 12
Vignir Vatnar Stefánsson                  10 af 12
Bárður Örn Birkisson                       9,5 af 12
Björn Hólm Birkisson                          6 af 12
Veronika Steinunn Magnúsdóttir     4,5 af 11
Guðmundur Agnar Bragason               2 af 10
Þorsteinn Magnússon                          1 af 3

UMSB:

Einar Valdimarsson                            7 af 12
Bjarni Sæmundsson                            7 af 12
Kristinn Jens Sigurþórsson                  5 af 12
Gunnar Nikulásson                           4,5 af 10
John Ontiveros                                    3 af 11
Jón Jóhannesson                                 2 af 12
Garðar Ingólfsson                                0 af 3