Sverrir sigraði á fimmtudagsmóti

Sverrir Sigurðsson sigraði á síðastliðnu fimmtudagsmóti með 8,5 vinning úr 9 umferðum. Í 2. sæti var Kristján Örn Elíasson með 8 vinninga og Jon Olav Fivelstad fékk 6,5 vinning í 3 sæti. Allt leit út fyrir að Kristján myndi sigra á þriðja mótinu í röð en hann var með fullt hús vinninga þegar hann mætti Sverri, sem var hálfum vinningi á eftir, í síðustu umferðinni. Sverrir hafði þar sigur eftir að Kristján lék af sér manni og skaust þar með upp í efsta sætið. Einnig má geta þess að Pétur sigraði Björgvin nokkuð örugglega í skák þeirra félaganna. Aðeins 10 þátttakendur voru að þessu sinni og kepptu allir við alla 7 mínútna skákir.

Lokastaðan:

1   Sverrir Sigurðsson,                    8.5

2   Kristján Örn Elíasson,                 8

3   Jon Olav Fivelstad,                    6.5

4   Þórir Benediktsson,                    6

5   Jón Gunnar Jónsson,                    5.5

6-7 Hjálmar Sigurvaldason,                 3

    Finnur Kr. Finnsson,                   3

8   Ari Húnbogason,                        2

9   Björgvin Kristbergsson,                1.5

10   Pétur Jóhannesson,                     1