Ingvar Þór nýr formaður T.R. Hermann Ragnarsson heiðursfélagi

Á aðalfundi Taflfélags Reykjavíkur sem fram fór í kvöld var Ingvar Þór Jóhannesson kosinn formaður T.R. við mikinn fögnuð. Ingvar þarf vart að kynna en hann er í ritstjórnarteymi skak.is, er landsliðsjálfari kvenna, Fide-meistari í skák, og hefur undanfarin ár þjálfað framhaldsflokka T.R.

Ingvar Þór Jóhannesson.

Á fundinum var Hermann Ragnarsson gerður að heiðursfélaga Taflfélags Reykjavíkur fyrir störf sín í þágu félagsins. Við þökkum Hermanni kærlega fyrir sitt framlag.

Hermann Ragnarsson heiðursfélagi TR ásamt Gauta Páli Jónssyni fráfarandi formanni.

Breytingar á stjórn urðu þær, að Gauti Páll Jónsson, fráfarandi formaður, víkur úr aðalstjórn í varastjórn. Var honum þakkað fyrir sín störf, en hann tók við formennsku í desember 2023 þegar Ríkharður Sveinsson þáverandi formaður féll frá. Haustmót Taflfélags Reykjavíkur verður haldið til minningar um Ríkharð.

Aðrar breytingar á stjórn urðu að Þorsteinn Magnússon fer úr varastjórn í aðalstjórn. Auk þess voru þrír nýir stjórnarmenn kosnir. Það voru Arnar Ingi Njarðarson, Alexander Oliver Mai og Þórir Benediktsson.

Úr stjórn víkja Eiríkur K. Björnsson, Torfi Leósson og Omar Salama. Við þökkum þeim kærlega fyrir sitt framlag.

Aðalstjórn T.R starfárið 2024-25 skipa:

Ingvar Þór Jóhannesson

Una Strand Viðarsdóttir

Magnús Kristinsson

Jon Olav Fivelstad

Guðlaugur Gauti Þorgilsson

Daði Ómarsson

Þorsteinn Magnússon

Varastjórn 

Arnar Ingi Njarðarson

Alexander Oliver Mai

Þórir Benediktsson

Gauti Páll Jónsson

Fundarstjóri var Eiríkur K. Björnsson og fundarritari Guðlaugur Gauti Þorgilsson.

• Taflfélag Reykjavíkur