Taflfélag Reykjavíkur Elsta og virkasta skákfélag landsins
Veronika Steinunn Magnúsdóttir gerði jafntefli í sjöundu umferð Evrópumeistaramóts ungmenna sem fór fram í dag. Andstæðingur Veroniku var frá Noregi og er með 1615 stig. Vel gert hjá Veroniku sem hefur nú teflt tvær skákir í röð án taps og hefur 1,5 vinning. Á morgun hefur hún svart gegn portúgölskum keppanda með 1482 stig og mun hún vafalaust sækja stíft til sigurs.
Vignir Vatnar Stefánsson tapaði hinsvegar fyrir pólskum keppanda og hefur 4,5 vinning í 20.-30. sæti. Þar með er ljóst að Vignir mun tæplega blanda sér í titilbaráttuna en hann getur komið sér fyrir meðal efstu manna ef hann sigrar í lokaumferðunum tveimur. Á morgun hefur hann svart gegn stigalausum dreng frá Hollandi. Sá er fæddur 2003 líkt og Vignir og hefur aðeins 13 skákir skráðar á vef Fide. Okkar maður þarf því að stíga varlega til jarðar gegn honum þar sem erfitt er að segja til um raunverulegan styrkleika andstæðingsins í slíkum tilfellum.
Áttunda umferð fer fram á morgun og hefst kl. 14.
- Chess-Results
- Heimasíða mótsins
- Skákir Vignis
- Skákir Veroniku