Anh Hai Tran Sigurvegari Friðrikssyrpu III, Katrín Ósk efst stúlkna

Helgina 13-15 febrúar fór fram þriðja Friðrikssyrpa Taflfélags Reykjavíkur. Mótið var að þessu sinni í fjölmennari kanti og voru skráðir til leiks 61 keppandi. Eins og venjulega var teflt alla helgina og á milli skáka var stundum farið yfir skákirnar og greint hvað betur hefði mátt fara.

Pétur Eysteinn og Theodór Nóel

Skák mótsins var telft í þriðju umferð hjá Pétri og Theodór. Eftir að Theodór komst drottingu yfir skipti skákin um eigendur og þá var það Pétur sem var kominn með yfirburðarstöðu. Með klókinum náði Theodór að búa til mótspil með að ýta peði sínu upp í borð og þá leit út fyrir að hann væri að sigla skákinni heim. Í endataflinu voru báðir keppendur orðnir vel þreyttir og náði Pétur að koma peði upp í borð og sækja sér drottningu. Að lokum endaði skákin með patti sem var einhverju leyti sangjört úrslit miðað við allt það sem hafði gengið á.

Fyrir lokadaginn var Anh Hai Tran efstur með fullt hús stiga. Hélt hann sigurgöngu sinni allt fram í loka umferðina. Fast á eftir honum komu bæði Helgi Fannar og Katrín Ósk sem gátu bæði náð honum með sigri.

Anh hai Tran og Katrín Ósk

Á efsta borði mættust Anh hai og Katrín Ósk. Eftir fjöruga taflmennsku endaði Katrín á að vinna skiptamun en Anh hai náði að finna leið til að þvinga fram þráleik.

Helgi Fannar og Róbert Heiðar

Á öðru borði mætust Helgi fannar og Róber Heiðar. Helgi fékk betra úr byrjuninni og náði að byggja upp vinningsstöðu með meira rými. Þegar skákin hefði átt að klárast tók Helgi upp á því að fá sér auka hvítreita biskup. Staðan var auðvitað áfram betri en tók aðeins lengri tíma að vinna úr. Helgi var þá orðin næst á eftir Anh hai með sex vinninga.

Katrín Ósk, Jakub Sokol og Gunnar Þór urðu síðan jöfn með 5½ vinning en Katrín endaði ofar á oddastigum.