Atskákmót Reykjavíkur haldið 28.-29. nóvember!

Atskákmót Reykjavíkur verður haldið í húsakynum TR, Faxafeni 12, 28.-29. nóvember næstkomandi. Tefldar verða níu skákir með tímamörkunum 15+5 (15 mínútur á skákina að viðbættum fimm sekúndum á hvern leik) á tveimur kvöldum. Fyrstu fimm umferðirnar verða mánudagskvöldið 28. nóvember klukkan 19:30 og síðustu fjórar verða þriðjudagskvöldið 29. nóvember klukkan 19:30. Seinni hluti mótsins, þriðjudagskvöldið, kemur í stað venjulegs Þriðjudagsmóts. Atskákmót Reykjavíkur hefur undanfarið verið haldið af Skákfélaginu Hugin, og þar áður Helli, en síðan 2019 hefur TR séð um mótahaldið. Þess má geta að hér áður fyrr var mótið haldið af TR, en það var haldið fyrst árið 1992. Mótið er öllum opið. Núverandi atskákmeistari Reykjavíkur er Arnar Gunnarsson. Atskákmeistarar Reykjavíkur frá upphafi.