Börn & unglingar

lau-aef (3)Skákæfingarnar – Skákkennsla á öllum stigum fyrir börn og unglinga

Í áratugi hefur Taflfélag Reykjavíkur haldið metnaðarfullar skákæfingar fyrir börn og unglinga. Laugardagsæfingar TR eru fyrir löngu orðnar rótgróinn partur af starfi félagsins og flestum skákiðkendum landsins vel kunnar. Margir af sterkustu skákmönnum þjóðarinnar stunduðu æfingarnar á sínum yngri árum.

Þjálfun og kennsla á skákæfingum TR er í höndum þaulreyndra og sterkra skákmanna. Æfingarnar henta byrjendum jafnt sem lengra komnum og er börnum velkomið að mæta og fylgjast með til að byrja með ef þau eru ekki tilbúin að taka beinan þátt strax.

Æfingarnar fara fram í húsnæði félagsins að Faxafeni 12.
lau-aef (2)

Umsjón með æfingunum er í höndum Sigurlaugar R. Friðþjófsdóttur, Daða Ómarssonar, Torfa Leóssonar, Gauta Páls Jónssonar og Björns Ívars Karlssonar.

Í myndaalbúmi félagsins má finna fjölmargar myndir frá barna- og unglingastarfinu. Ef þið hafið einhverjar fyrirspurnir eða ábendingar, sendið okkur þá tölvupóst á taflfelag@taflfelag.is og við svörum um hæl. Við viljum gjarnan heyra frá ykkur.