Taflfélag Reykjavíkur Elsta og virkasta skákfélag landsins
Hinir vösku bræður Aron Þór Mai (2039) og Alexander Oliver Mai (1875) tóku á dögunum þátt í opnu móti í Bergamo á Norður-Ítalíu. Aron tefldi í A-flokki þar sem hann var númer 54 í stigaröð keppenda sem voru alls 67 talsins, þ.á.m. sjö stórmeistarar. Alexander tefldi í B-flokki þar sem hann var númer 12 í stigaröð keppenda sem voru alls 56 talsins. Tefldar voru sex umferðir og hlaut Aron 3 vinninga og stigahækkun upp á 66 stig en Alexander hlaut 4 vinninga og hækkar um 13 stig. Flottur árangur hjá þeim bræðrum sem hafa verið sérlega iðnir við kolann og bætt sig mikið síðustu misseri.
