Taflfélag Reykjavíkur Elsta og virkasta skákfélag landsins
U-2000 mót Taflfélags Reykjavíkur hefst miðvikudaginn 14. október.
Þátttökurétt hafa allir þeir sem hafa minna en 2000 Elo-stig. Tefldar eru sjö umferðir eftir svissneska kerfinu og er umhugsunartími 90 mínútur fyrir alla skákina auk 30 sekúndna sem bætast við eftir hvern leik. Leyfðar eru tvær yfirsetur í umferðum 1-5 sem skal tilkynna skákstjóra við upphaf umferðarinnar á undan en 1/2 vinningur fæst fyrir yfirsetu. Teflt er einu sinni í viku, á miðvikudagskvöldum kl. 19.30 í Skákhöll félagsins að Faxafeni 12.
Mótið verður reiknað til alþjóðlegra skákstiga.
Sigurvegari u-2000 mótsins 2019 var Hrund Hauksdóttir.
Dagskrá
1. umferð: 14. október kl. 19.30
2. umferð: 21. október kl. 19.30
3. umferð: 28. október kl. 19.30
4. umferð: 4. nóvember kl.19.30
5. umferð: 11. nóvember kl. 19.30
6. umferð: 18. nóvember kl. 19.30
7. umferð: 25. nóvember kl. 19.30
Sjálfkrafa tap dæmist á keppanda sem mætir á skákstað meira en 30 mínútum eftir upphaf umferðar.
Tímamörk: 90 mín á alla skákina + 30 sek viðbót eftir hvern leik
Verðlaun: 1. sæti kr. 30.000, 2. sæti kr. 20.000, 3. sæti kr. 10.000. Hort-kerfi gildir.
Röð mótsstiga (tiebreaks): 1. Buchholz (-1) 2. Buchholz 3. Innbyrðis viðureign 4. Fleiri sigrar
Þátttökugjöld: 18 ára og eldri kr. 5.000, kr. 3.000 fyrir félagsmenn í TR. 17 ára og yngri kr. 2.000, frítt fyrir félagsmenn í TR.