Category: Uncategorized

Hraðskákmót hjá TR í kvöld. Tefldar eru 10 skákir og tímamörkin eru 3 mínútur á skákina að viðbættum 2 sekúndum á hvern leik. Teflt er í einum flokki. Mótin eru öllum opin og reiknuð til alþjóðlegra hraðskákstiga. Teflt er í félagsheimili TR, Faxafeni 12 og taflmennskan hefst stundvíslega klukkan 19:30. Það þarf ekki að skrá sig fyrirfram, nóg að mæta á staðinn. Umsjón með mótunum hafa þeir Eiríkur K. Björnsson og Þorsteinn Magnússon. Þátttökugjöld eru eftirfarandi:

Félagsmenn TR 18 ára og eldri: 500kr.

Félagsmenn TR 17 ára og yngri: Ókeypis

Utanfélagsmenn 18 ára og eldri: 1000kr.

Utanfélagsmenn 17 ára og yngri: 500kr.

Utanfélagsmenn: 10 skipta klippikort: 7500kr.

Atskákmót hjá TR í kvöld. Tefldar eru fimm skákir og tímamörkin eru 10 mínútur á skákina að viðbættum 5 sekúndum á hvern leik. Teflt er í einum flokki. Mótin eru öllum opin og reiknuð til alþjóðlegra atskákstiga. Teflt er í félagsheimili TR, Faxafeni 12 og taflmennskan hefst stundvíslega klukkan 19:30. Það þarf ekki að skrá sig fyrirfram, nóg að mæta á staðinn. Umsjón með mótunum hafa þeir Arnar Ingi Njarðarson og Kristófer Orri Guðmundsson.

Þátttökugjald eru eftirfarandi:

Félagsmenn TR 18 ára og eldri: 500kr.

Félagsmenn TR 17 ára og yngri: Ókeypis

Utanfélagsmenn 18 ára og eldri: 1000kr.

Utanfélagsmenn 17 ára og yngri: 500kr.

Utanfélagsmenn: 10 skipta klippikort: 7500kr.

Þrjú þriðjudags / fimmtudagsmót falla niður í desember.

Þriðjudaginn 16. desember fellur þriðjudagsmót niður vegna Íslandsmótsins í atskák – Atskákmóts Reykjavíkur. Athugið að mótið er bæði mánudag og þriðjudag.

Þriðjudaginn 23. desember og fimmtudaginn 25. desember falla mót niður vegna jóla.

Tvö mót eru haldin eftir jól, jólahraðskákmót TR – minningarskákmót Ríkharðs Sveinssonar sunnudaginn 28. desember og þriðjudagsmót 30. desember.

Dagana 24-25 nóvember fór fram Atskákkepni taflfélaga í faxafeni 12. Að þessu sinni voru tólf lið skráð til leiks og telfdar níu skákir á tveimur kvöldum. Nokkuð var um þéttar og vel mannaðar sveitir og fyrirfram var erfitt að veðja um niðurstöðu mótins. Strax í þriðju umferð mættust sterkar sveitir. Þar hafði TR-a sveit betur gegn Skákdeild Fjölnis a-sveit og Breiðablik a-sveit hafði betur gegn Taflfélagi Vestmannaeyja. Héldu þessar fyrrnefndu sveitir uppteknum takti og héldu áfram að vinna sínar viðureignir.

Í lok fimmtu umferðar mættust að lokum A-sveit TR og Breiðabliks. Reyndist viðureignin nokkuð jöfn en Breiðablik hafði betur með minnsta mun 3½-2½ sem nægði til vinna viðureignina og var það að einhverju úrslitaviðureign mótsins.

Á lokadeginum héldu báðar sveitir áfram sinni sigurgöngu og unnu sínar viðureignir

Eftir níu umferðir voru það Breiðablik sem voru þess vegna sigurvegarar með fullt hús 18 liðsstig. Í öðru sæti kom Taflélag Reykjavíkur a-sveit með 16 stig og í þriðja sæti var það Skákdeild Fjölnis með 13 stig.

🥇Breiðablik a-sveit 18

🥈Taflfélag Reykjavíkur a-sveit 16

🥉Skákdeild Fjölnis a-sveit 13

Taflfélag Reykjavíkur þakkar félögunum fyrir þátttöku og vonast til að sjá enn fleiri sveitir á næsta ári.

Lokastaða mótsins á chess-results:

Í 125 ára sögu Taflfélags Reykjavíkur (TR) hafa fáir, ef nokkrir, markað jafn djúp spor í starfsemi
félagsins og Ólafur H. Ólafsson. Starf Ólafs, eða Óla H. eins og hann var jafnan kallaður, sem
umsjónarmanns barna- og unglingastarfs TR, spannaði tímabil sem talið er í áratugum, ekki árum.

Stundum vill þó gleymast að Ólafur var vel liðtækur skákmaður, sem dæmi tók hann þátt í
landsliðsflokki Skákþings Íslands árið 1972. Tveimur árum síðar, eftir stormasaman aðalfund í TR, var
Óli kosinn í stjórn TR. Um þá niðurstöðu má lesa í fundargerðarbók félagsins en þar er að finna eitt
einkenna Óla, hversu handskrift hans var glæsileg og hversu nákvæmur hann var sem fundarritari.

Á fyrstu árum Óla í stjórn félagsins var félagið til húsa að Grensásvegi 44-46. Þar var Óli á heimavelli.
Hann hafði gott auga fyrir því hvaða ungviði hefði hæfileika fyrir skáklistinni. Hann fóstraði jafnan slíka
einstaklinga. Til varð einskonar klíka, Óla H. klíkan. Hann var einstaklega lunkinn að halda sterkum
skákmönnum saman sem félagslegri einingu, rætt var um „kiddakvöld“ heima á Rauðárstígnum hjá
Óla H.

Innsýn Óla á grundvallaratriðum skáklistarinnar gagnaðist ungum skákmönnum, meðal annars þegar
hann var fararstjóri á ótal Norðurlandamótum, hvort sem það var í einstaklings- eða liðakeppni.
Sjaldan kom keppandi fyrir Íslands hönd að tómum kofanum hjá Óla. Hann viðhélt áhuga fólks á
greininni með ófáum símtölum en fyrir kom að þau væru allöng og gat þá reynt á þolinmæði
„kiddanna“ eftir því sem þau nálguðust fullorðinsár. Sem skákstjóri og mótsstjóri var hann
röggsamur.

Sjálfsagt má segja að saga Taflfélags Reykjavíkur hefði orðið önnur hefði félagið ekki stígið það skref
árið 1989 að færa sig frá Grensásveginum yfir í Faxafen 12. Í kjölfar þeirra breytinga glímdi félagið
við mikla fjárhagserfiðleika. Óli afréð að gerast formaður félagsins árið 1994 og varð hann þá
umdeildari en stundum áður. Í árslok 1996 lét Óli af formennsku í félaginu en hélt áfram að starfa fyrir
það af dugnaði og ósérhlífni.

Baráttuaðferðir Óla fyrir barna- og unglingastarfinu í skákinni gátu einkennst að miklum viljastyrk og
við það urðu jafnan átök við aðra hagsmuni, þar á meðal gagnvart hagsmunum bestu skákmanna
landsins. Lognmolla ríkti því sjaldan á meðan Óli var upp á sitt besta og stundum var sagt um hann,
líkt og sagt var í Gerplu: „Fall ei fyrir friði ef ófriður er í boði.“

Þegar Óli varð sextugur í ársbyrjun 2005 hélt TR og Skáksamband Íslands samkvæmi honum til
heiðurs. Við þau tímamót voru allar stríðsaxir grafnar og upp úr stóð að mikill fjöldi manna í
skákhreyfingunni stóð í þakkarskuld við Óla. Hann bjó til jarðveg svo að draumar margra
hæfileikaríkra skákmanna gætu mögulega ræst. Saga Taflfélags Reykjavíkur hefði orðið mun fátækari
án framlags Óla H. Ólafur var gerður að Heiðursfélaga Taflfélags Reykjavíkur árið 2023.

Fyrir hönd Taflfélags Reykjavíkur þakkar félagið Óla H. fyrir samfylgdina og óskar öllum nánustu
aðstandendum hans hluttekningu við fráfall hans. Á vettvangi félagsins verður minning góðs drengs
ávallt í heiðri höfð.

Dagana 24-25 nóvember fer fram Atskákkeppni taflfélaga. Mótshaldari er Taflfélag Reykjavíkur. Mótið fer fram í félagsheimili Taflfélags Reykjavíkur Faxafeni 12. Mótið hefst báða dagana kl:19:00

Tefldar verða 9. umferðir eftir svissnesku kerfi, umferðir 1-5 á mánudeginum og 6-9 á þriðjudeginum. Teflt verður með tímamörkunum 10+5, 10 mínútur á mann á skákina að viðbættum 5 sekúndum á hvern leik. Teflt verður á 6 borðum auk varamanna. Varamaður kemur alltaf inn á neðsta borði. Hvert lið má senda allt að 3 sveitir til leiks.

Þátttakendur verða að tefla fyrir það félag sem þeir eru skráðir í samkvæmt félagagrunni íslenskra skákmanna. Skákmenn sem ekki eru skráðir í félag mega taka þátt í mótinu með einhverju félagi hvort sem þeir eru með stig eða ekki.

Hægt er að hafa 0.-4. varamenn. Halda þarf styrkleikaröðinni og varamenn koma alltaf í röð á eftir aðalmönnum. Skákmenn flakka ekki milli sveita (A-B, B-C) heldur er sami hópurinn í hverri sveit. 

Þó verður hægt er að komast til móts við félög sem ná ekki sex manna sveit, með því að bjóða upp á í mesta lagi tvo lánsmenn með félagi sem sendir aðeins eina sveit til leiks. Sveit með lánsmenn innan sinna raða geta hins vegar ekki lent í verðlaunasæti í mótinu né hlotið titilinn Atskákmeistarar taflfélaga. 

Liðstjórum ber að skila inn styrkleikalista sinna sveita áður en mótið hefst í tölvupósti til skákstjóra í síðasta lagi klukkan 16:00 mánudaginn 24.nóvember

Þátttökugjald sveita:

Reikningur fyrir þátttökugjöldum verður sendur á félög með kennitölu. Félög sem eru án kennitölu leggja inn á reikning Taflfélags Reykjavíkur. Reikningsnúmer: 0101-26-640269 Kt: 640269-7669

A sveit 14.000 kr 

B sveit 10.000 kr

C sveit 5.000 kr

Tímamörk:

10 mín + 5 sek

Dagskrá:

Mánudagur 24.nóv 19:00 Umferð 1-5

Þriðjudagur 25.nóv 19:00 Umferð 6-9

Verðlaungripir verða veittir fyrir þrjár efstu sveitirnar ásamt efstu b-sveitina

Oddastig (e. Tiebreaks)

1. Liðsvinningar (e. match points)
2. Vinningafjöldi
3. Innbyrðis viðureign

Mótið verður reiknað til alþjóðlegra atskákstiga. Það lið sem hlýtur flest liðsvinninga (e.match points) hlýtur titilinn Atskákmeistarara taffélaga 2025. Ef lið verða jöfn á liðssvinnigum og vinninga fjölda gildir innbyrðis viðureign úr um röð sveita. Ef enn er jafnt milli efstu sveita verður haldin aukakeppni um titilinn.

Skránigarform:

Þegar skráðar sveitir:

Skákstjóri verður Jón Olaf Fivelstad

Þriðjudagsmót fellur niður vegna veðurs. Mikið fannfergi hefur verið í borginni og á eftir að ágerast þegar líður á daginn.

Haldin verða hraðskákmót í hádeginu á sunnudögum einu sinni í mánuði ef vel gengur!  Tefldar verða 7. umferðir með tímamörkunum 5+3. Þá eru 5 mínútur á mann og 3 sekúndur bætast við hvern leik. Áætla má að mótin verði um tvær klukkustundir, standi frá 12:00-14:00.

Teflt er í einum flokki. Mótin eru öllum opin og reiknuð til alþjóðlegra hraðskákstiga. Teflt er í félagsheimili TR, Faxafeni 12 og taflmennskan hefst stundvíslega klukkan 12:00. Sunnudaginn 28. september er teflt í sal Skákskólans en notið sama inngang og í TR – það verður opið á milli. Það þarf ekki að skrá sig fyrirfram, nóg að mæta á staðinn. Umsjón með mótunum hefur Gauti Páll Jónsson.

Mót 4

• sunnudaginn 28. september í sal Skákskólans

Þátttökugjöld:

Félagsmenn TR 18 ára og eldri: 500kr.

Félagsmenn TR 17 ára og yngri: Ókeypis

Utanfélagsmenn 18 ára og eldri: 1000kr.

Utanfélagsmenn 17 ára og yngri: 500kr.

Utanfélagsmenn: 10 skipta klippikort: 7500kr.

Hinn síungi og stórefnilegi Róbert Lagman kom sá og sigraði á Stórmóti Árbæjarsafns og Taflfélags Reykjavíkur sem fram fór í blíðskaparviðri sunnudaginn 31. ágúst. Mótið markar að mörgu leiti upphaf vetrarstarfsins hjá Taflfélaginu og teflt við skemmtilegar aðstæður í sögulegu umhverfi Árbæjarsafns.

Tuttugu og átta skákmenn voru mættir til leiks, full mikið brotthvarf miðað við skráningu reyndar! Titilhafarnir voru þrír og fyrirfram hefðu flestir veðjað á stórmeistarann Vigni Vatnar Stefánsson. Eftir þrjár umferðir var Vignir með fullt hús eins og við var að búast, en Róbert Lagerman, Jóhann Ingvason og Arnar Milutin fylgdu honum eins og skugginn.

Í fjórðu umferðinni sýndi Róbert að honum var alvara með því að leggja Vigni að velli í spennandi skák. Jóhann Ingvason vann líka og mætti Róbert í næstu umferð.

Jóhann og Róbert tefldu spennandi skák en Róbert var enn og aftur vandanum vaxinn og náði að kreysta fram sigur í tvísýnni skák.

Róbert hélt áfram í sjöttu umferð, lagði Gauta Pál. Vignir vann gegn Jóhanni og reyndi að vera í seilingarfjarlægð ef Róbert fataðist flugið.

Í lokaumferðinni innsiglaði Róbert sigurinn með því að leggja Jóhann Ragnarsson að velli í spennandi skák. Fullt hús og glæsilegur sigur Róberts!

Lokastaðan, efstu menn:

• Mótið á chess-results

Stórmót Árbæjarsafns og Taflfélags Reykjavíkur fer fram sunnudaginn 31. ágúst. Mótið gefur einstakt tækifæri til að takast á við skákgyðjuna í sögulegu umhverfi Árbæjarsafns.

Teflt verður í Árbæjarsafni og hefst taflið kl.14. Tefldar verða 7 umferðir með umhugsunartímanum 4 mínútur auk 2 sekúndna viðbótartíma eftir hvern leik (4+2). Veitt verða verðlaun fyrir þrjú efstu sætin, 15.000 kr., 10.000 kr. og 5.000 kr.

Mótið verður reiknað til alþjóðlegra hraðskákstiga.Þátttökugjald er greitt með því að greiða aðgangseyri inn á safnið samkvæmt gjaldskrá Árbæjarsafns. Frítt er fyrir handhafa Menningarkortshafa Reykjavíkurborgar (greitt einusinni), öryrkja og börn 17 ára og yngri. Þátttökugjaldið er greitt við inngang safnsins. Teflt er í Kornhúsinu, en hér má sjá upplýsingar um keppnisstað.

Núverandi Árbæjarsafnsmeistari er Arnar Erwin Gunnarsson.

Mótið er eitt af fjölmörgum sem T.R heldur í samstarfi við Reykjavíkurborg, en Viðeyjarmótið og Árbæjarsafnsmótið eru haldin í samstarfi við Borgarsögusafn Reykjavíkur.

Óskað er eftir því að keppendur skrái sig í gegnum hefðbundið skráningarform.

Skráningarform 

Þegar skráðir keppendur

Verðlaun skiptast eftir Hort kerfi. Oddastigaútreikningur í mótinu:

1. Bucholz -1
2. Bucholz
3. Innbyrðis úrslit
4. Sonneborn-Berger

Haldin verða hraðskákmót í hádeginu á sunnudögum einu sinni í mánuði ef vel gengur!  Tefldar verða 7. umferðir með tímamörkunum 5+3. Þá eru 5 mínútur á mann og 3 sekúndur bætast við hvern leik. Áætla má að mótin verði um tvær klukkustundir, standi frá 12:00-14:00.

Teflt er í einum flokki. Mótin eru öllum opin og reiknuð til alþjóðlegra hraðskákstiga. Teflt er í félagsheimili TR, Faxafeni 12 og taflmennskan hefst stundvíslega klukkan 12:00. Það þarf ekki að skrá sig fyrirfram, nóg að mæta á staðinn. Umsjón með mótunum hefur Gauti Páll Jónsson.

Mót 3

• sunnudaginn 24. ágúst

Þátttökugjöld:

Félagsmenn TR 18 ára og eldri: 500kr.

Félagsmenn TR 17 ára og yngri: Ókeypis

Utanfélagsmenn 18 ára og eldri: 1000kr.

Utanfélagsmenn 17 ára og yngri: 500kr.

Utanfélagsmenn: 10 skipta klippikort: 7500kr.

Hið árlega Borgarskákmót Taflfélags Reykjavíkur var haldið í gær í Ráðhúsi Reykjavíkur. Mótið, ásamt Stórmóti Árbæjarsafns og TR markar í raun upphafið að vetrarstarfinu hjá Taflfélagi Reykjavíkur. Mótið er styrktarmót fyrir félagið og keppendur tefla fyrir fyrirtæki sem styrkt hafa Taflfélagið.

Að þessu sinni voru 41 keppendur mættir til leiks. Stigahæsti  hraðskákmaður mótsins var FIDE meistarinn Róbert Lagerman. Snemma móts var Róbert í sérflokki ásamt Ólafi B. Þórssyni, Gauti Páli og Óliver Aron. Þessir mættust innbyrðis í fjórðu umferð og þar tók Ólafur forystuna þegar hann lagði Gauta að velli, Róbert og Oliver gerðu jafntefli.

Ólafur lagði Óliver að velli í lykilskák í 5. umferð en hann sneri erfiðu tafli sér í vil í tímahraki. Róbert og Ólafur skildu jafnir í 6. umferð en Davíð Kolka tók sig til og lagði Ólaf að velli í lokaumferðinni.

Við þessi úrslit opnaðist mótið upp á gátt og fimm skákmenn enduðu efstir og jafnir með 5,5 vinning úr umferðunum 7. Þar sem Ólafur var við toppinn allt mótið varð hann skiljanlega efstur á oddastigum og sigurvegari Borgarskákmótsins 2025.

Taflfélagið þakkar keppendum og styrktaraðilum!

Mótið á chess-results

Borgarskákmótið fer fram fimmtudaginn 21. ágúst, og hefst það kl. 15:30. Líkt og undanfarin ár fer mótið fram í Ráðhúsi Reykjavíkur og stendur Taflfélag Reykjavíkur að mótinu.

Tefldar verða 7 umferðir með umhugsunartímanum 4 mínútur + 2 sekúndur á leik (4+2). Mótið verður reiknað til hraðskákstiga og er öllum opið. Þátttaka er ókeypis. Skákmenn eru hvattir til að skrá sig sem fyrst í skráningarforminnu til að liðka fyrir mótshaldi.

Þetta er í 40. sinn sem mótið fer fram og er þetta iðulega eitt best sótta skákmót hvers árs. Gera má ráð fyrir að margir af sterkustu skákmönnum þjóðarinnar verði á meðal keppenda. Í fyrra sigraði Helgi Áss Grétarsson, annað árið í röð!

Verðlaun:

1.sæti 30.000 kr.

2.sæti 20.000 kr.

3.sæti 10.000 kr.

• Skráningarform
• Þegar skráðir keppendur